Beef Jerky

Þetta er eimmitt ástæða þess að ég ætla að láta brenna mig.

Hulunni svipt af andliti gullna faraósins

Fyndið...

... það vita það ugglaust fáir, en sá einasti af þeim sem stoppaðir voru í Desember 2003 og var notaður sem átylla fyrir því að snúa þeim til baka hafði gerst sekur um að smylga heyi fyrir hestinn sinn, frá Svíþjóð til Noregs. Sagt var í blöðum 'hafði gerst sekur um smygl'. Það var ekki tekið fram að hann var að hossast með hestakerru í eftirdragi og syngjandi á skrækri Skandinavísku 'Har du set min lilla söta pony?'.
Ég sat á öldurhúsi ásamt félaga mínum sem þá var blaðamaður hjá Morgunblaðinu og þótti þetta allnokkurt skúbb þegar við ræddum við þá sem ekki voru sendir heim. Þeir voru, að þeir sögðu, að koma í frí.

Nú höfum við vísað burt 8.1. liðum sem eru ekki að koma hingað til langdvalar í langan tíma, hvernig væri nú að fara að skoða frekar þá sem koma hingað til þess að setjast hér að?

En það er samt ekki sama hvort það er Jón, séra Jón eða Jan hérlendis. Ég er viss um að ef Keith Richards þæði nú boðið um að koma og kíkja á pöbbarölt með uppeldissyni sínum (þegar pabbi var á sjónum ólu Rolling Stones plöturnar hans mig upp í samstarfi við móður mína.) þá yrði honum hleypt umsvifalaust í gegnum tollinn, no-questions-asked. Hann hefur þó gerst sekur um smygl og fíkniefnamisferli og ofbeldisglæpi sem og arfavont side-project.

Mér þykir þetta nefnilega skjóta talsvert skökku við. Ýmsir glæpamenn hafa sest hér að í gegnum tíðina. Ýmis óæskileg samtök, sbr KKK  hafa sest hér að. Hversvegna ekki H.A.? Ég er ekki að mæla með því að við gerum þá að eftirlætis tengdasonum Íslands, en í landi þar sem innflytjendalöggjöfin er ekki uppá marga fiska er talsvert öfugt að hafa þetta sterka túristalöggjöf.

Skondið samt þegar á þetta er litið.

Í vor vísuðu húskerlingar og karlar (lesist Bændasamtök og Bríetur) hórliði á braut sökum þess að það hafði gerst sekt um að bera sig fyrir framan saklausar myndavélar (sem fengu allar áfallahjálp), en skömmu síðar velkomnar sami múgur framleiðendur drápstóla. 

Nú er ég hvorki að mæla með klámi eða á móti skotvopnum, en er ekki talsvert saklausara að riðlast með verjur en að riðla út vopnum?

Veit ekki með ykkur, en ég er kannski bara þetta ruglaður. 

Sjáið til, það er kannski ekki alveg satt að ég sé trúlaus. Ég trúi á frelsið. Frelsið til ákvarðanatöku, frelsi til athafna og frelsi til þess að lifa sínu eigin lífi.

Ef mig langaði að glápa á klám (MILF's like it big með Devon Michaels nánar tiltekið), skjóta á dósir með byssu (Colt .45) eða drekka bjór (Budweiser Budvar) með dönskum Vítisengli (Jesper Carsten Jan Trampe Larsen-Flödeskum) og við reyktum jónu (White Widow) sem  hann kom með frá DK (Sjálandi)  þá finnst mér að ég ætti að mega það, á meðan ég ER EKKI AÐ SKAÐA NEINN ANNAN (Þá sérstaklega þig).

Það eina sem ég sé að myndi mögulega skaða einhvern væri ef ég gerði þetta allt í einu, og ég reyndi að reykja og drekka samstundis og ég kippti í kauðann á mér og skiti óvart Jesper Carsten Jan Trampe Larsen-Flödeskum í hausinn með Colt .45, eða mögulega að ég skaðaði aðra með því að ég gengi á rétt þeirra til þess að gera hið sama, sem væri hægt að útskýra með eignarréttarkenningum Lockes. (Lockean Provisio).

Nú finnst örugglega einhverjum ég vera kverúlant, en þannig er máli farið að ég trúi ekki á þá leið að boð og bönn komi til með að lagfæra hlutina. Við verðum að stýra þeim af skynsemi og trausti til borgaranna frekar en með föðurlegri 'Pabbi veit hvað þér er fyrir bestu' aðferð sem hefur verið rannsökuð í þaula.

Vítisenglarnir eru víst engin lömb að leika sér við. Ég hef þó þekkt til nokkurra einstaklinga sem tengjast þeim samtökum beint og óbeint og ég get ekki séð að þessir menn séu þau hræðilegu skrýmsl sem æsifréttablaðamennska DV og Lögregluríkistilhneygingar Íslenskra stjórnvalda láta þá líta út fyrir að vera. Yfirleitt hafa þetta verið góðir strákar sem hafa leiðst útí vitleysu og geta ekki snúið aftur. Flestir þeirra elska samt mæður sínar alveg jafn mikið og ég og þú og Stebbi Eiríks. Þetta eru jú bara menn.

Íslendingar.
Viljið þið virkilega þetta reglugerðar og lögregluríki sem Ísland stefnir hraðbyr í?
Við erum ekki að leiðrétta okkar vandamál með því að vísa burt túristum. Ég er viss um að ég hafi örugglega afgreitt  nokkra morðingja,  einhverja nauðgara og barnaníðinga, fjölmarga eiturlyfjaneytendur og all svakalega marga veggjapissara þegar ég afgreiddi á  miðadeskinu á BSÍ fyrir ekki svo löngu. 
Það er engin leið til þess að skoða hvern einn og einasta túrista sem hingað kemur, þrátt fyrir að eingöngu ofurmenni starfi hjá Greiningardeild Gestats Polizei.
Ef við ætlum að leysa einhver vandamál, þá þurfum við að byrja heima hjá okkur.

Við þurfum að byrja á því að uppræta vandann á réttum stað.

Þú stöðvar ekki ofbeldisglæpi með því að berja á veggjakroturum og húsasundsþvaglekendum.

Þú stöðvar ekki vímuefnavandann með því að troða honum neðanjarðar og í hendurnar á glæpamönnum.

Þú gerir Reykjavík ekki að hreinni og fallegri borg með því að senda íbúa hennar útá götu til þess að reykja.

Þú leysir ekki mansal og ofbeldi gagnvart konum og börnum með því að banna nektardans, klám og vændi.

Þú gerir hið þveröfuga, þú eykur á vandanum.

 

P.S. Ég vil benda greiningardeild á að lesa sér til um Trójustríðið (Í kviðunum eftir Homer) og einnig Stríðslistina eftir Sun Tzu.

Ég er nefnilega nokkuð viss um að á meðan þið kljáðust við stóra, leðurklædda vélhjólamenn hafi góðleg gömul amma gengið í gegn með meira af fíkniefnum heldur en þið hafið á ævi ykkar séð.

Þetta heitir tálbeituaðferð. Einskonar Trójuhestur.  

Gengur bara betur næst hjá ykkur strákar. 

Vítisenglum snúið við

Vel af sér vikið piltar.

En ég er ekki viss um að sama sé hægt að segja um blaðamann sem reynir sitt besta að elda konuna, og gerir það meiraðsegja í tvígang.

Hversu gamall er maður orðinn þegar maður er orðinn eldri eldri? 

Amma mín í móðurætt er að verða 99 ára gömul nú í haust og hún telst öldruð, hvenær verður hún eiginlega eldri eldri? 

Þrír piltar komu eldri konu til bjargar

Tja...

Ég er nú ekki hrifinn af hindurvitnum hverskonar, frekar en margir aðrir.

Það breytir því ekki að ég hef óskaplega gaman af hindurvitnum sem dægradvöl, þó ég hrífist ekki af því að fólk leggi líf sitt að veði til þess að vernda skáldskapinn.

Það sem mér þykir skemmtilegast af slíkum hindurvitnum er helst stjörnuspekin. Ég er aðallega hrifinn af því hvernig þeir lýsa mér, sporðdrekanum:

 

EINKENNI
Lykilorð: Tilfinningadýpt
Pláneta: Plútó
Höfuðskeppna: Vatn
Litur: Dökkrauður
Málmur: Járn
Steinar: Granat, ópall, túrmalín
Líkamshluti: Kynfæri
Frægir sporðdrekar J. E. V. Bj. Maack og stúlkan í lífi hans, Pablo Picasso, Þorsteinn Pálsson, Charles Brosnan, John Cleese, Kevin Kline, Valdís Gunnarsdóttir, Flosi Ólafsson, Björk, Danny Devito, Goldie Hawn og Demi Moore.

SPORÐDREKI
Sporðdrekar eru oftast grannir, með hvöss og djúp augu og þungar augabrýr. Þeir eru yfirleitt afar kynþokkafullir og klæða sig líka þannig, gjarnan í flegnar blússur eða svört leðurföt. Sporðdreki er vatnsmerki og tengist djúpum tilfinningum, yfirleitt þeim sem snerta kynlíf og sjálfsbjargarhvöt. Það er oft sagt, að Sporðdrekinn sé misskildasta merki dýrahringsins, og flestum þykir fólk fætt í því merki leyndardómsfullt og spennandi. Undir heilsteyptu ytra borði Sporðdrekans leynist oft gríðarleg tilfinningaólga, afbrýðisemi og ástríða, og fólk í þessu merki reynir af fremsta megni að skapa sér tilfinningalegt öryggi í heimi sem því finnst fjandsamlegur. Sporðdrekar hafa mjög næma eðlisávísun og fæstir geta farið á bak við þá, og þeir hafa oftast mikinn áhuga á yfirskilvitlegum efnum.Þeir eru hefnigjarnir en einbeittir og þolgóðir og gefast ekki upp fyrr en í fulla hnefana. Sporðdrekar væru framúrskarandi byltingarmenn, einkum af öfgakenndara taginu, en þeir kasta sér reyndar af ástríðu út í hverja þá vinnu sem vekur áhuga þeirra og kitlar ímyndunaraflið. Í íþróttum velja þeir sér iðulega eitthvað sem hætta fylgir (eða gæti fylgt), t.d. skylmingar, karate og teygjuhopp, en þeir hafa líka yndi af dansi og tónlist. Til að öðlast lífshamingju, þarf Sporðdrekinn að reyna að sigrast á innri ótta sínum og sálarkvölum, sem þeir eiga erfiðara með að leiða hjá sér en aðrir.

Kann að hljóma eins og göfug æðri vitneskja, en auðvitað var öllum augljóst að ég er sérstaklega kynþokkafullur öfgamaður.

 

Vil aðeins fá að taka þátt í fordómum...

...bara til þess að fá að vera með í glerhúsasteinkastinu.

 

Ég er viss um að þessi maður er mjólkurneytandi! Nær allir glæpamenn neyta mjólkur. 

Maður beraði sig við stúlkur í Grafarvogi

Úlfur! Úlfur! ...

...hrópaði óupplýstur múgurinn þegar fórnarlambið lést.

Eiturlyf!

Vændi!

Stóriðja!

Loks þögnuðu raddirnar þegar hinn sorglegi veruleiki tók af sér grímuna.

 

Hver hefur ekki hlaupið eigin apríl, fylgjandi eigin fordómum og fávisku?

 

Víðsýnar er þörf, hverjum þeim sem nútímann ratar og knýr sinna verka á vit, líka á vefnum. Enginn  veit söguna alla fyrr en öll kurl eru komin til grafar, sem þau nú eru.

 

Varist hleypidóma, það er ávalt sárt þegar eigin niðurlæging er runnin undan sjálfs síns ranni.

Árásarmaðurinn svipti sig lífi; fannst látinn á Þingvöllum

Skothljóð eru eins á öllum tungumálum.

Fólk hrópar nú í hástert 'Myrtur í Reykjavík! -Með byssu! Nú getum við talist til stórborga!'.

Byssur eru til allstaðar í heiminum og það stoðar ekkert að banna þær, ef vopnaburður er ólöglegur bera aðeins glæpamenn vopn.

Fólk hleypur til eins og hauslausar hænur og reynir að finna sökudólg. Benda á samfélagslegar krísur. Eiturlyf. Vopnaburð. Hörku í undirheimum Reykjavíkur.

Það er ekkert sannað í þessu máli og ekkert vitað að svo stöddu. Við skulum ekki skálda upp atburðarás. Við vitum ekkert fyrr en við höfum sönnungargögn í höndunum, vitni og grunaða einstaklinga.

Eina sem við höfum er lík. Habeas Corpus. Morð var framið, þá er aðeins eitt að gera, finna sökudólginn. Við gerum það ekki með því að hlaupa um og belgja sig út á því að borgin okkar er að verða harðari og ljótari, en það hafa alltaf einhverjir verið myrtir hérna, það er óumflýjanlegur partur af þjóðfélagsbyggingu nær alls heimsins.

Sögusagnir koma ekki til með að hjálpa neitt við rannsókn málsins. 

 

Til minningar um þann sem var veginn set ég inn lagið 'Somebody got murdered' með the Clash  og vil ég jafnframt votta aðstandendum samúðar. 

 

Post Scriptvm:

Ég hef nýverið frétt að meintur morðingi hafi svipt sig lífi og mál þetta hafi verið vegna afbrýði. Þetta var semsagt í ætt við grískan harmleik. Þetta er mjög dapurlegt en því miður er maðurinn meinsemdar skepna og skammt er milli ástar og haturs.

:-(

Maðurinn sem varð fyrir skotárás í Reykjavík er látinn

Zeitgeist.

Horfið á þessa mynd. Segið mér hvað ykkur finnst.

En hvað með...

...áfengi, stera, lögleg geðlyf, koffeinneyslu, tölvuleiki, mengun, trúarbrögð...?

Það er svo margt sem getur haft áhrif á geðheilsu fólks.

Held að ekkert sé algilt í þessum efnum. Það eru til milljónir heilbrigðra reykingamanna þósvo að það fyrirfinnist líka sjúkir einstaklingar.  

Kannabisneysla eykur hættuna á geðsjúkdómum

Köngulær...