Réttlátir dómar...

...yfir slíkum skrímslum eru vandfundnir.

Hvað skal gera í þessum málum? Láta dólgslega fornaldarsiði vaða yfir einstaklings og kynfrelsið sem hinn vestræni nútímaheimur á að búa við?

Réttarmorð, barnanauðganir, umskurður (stúlkna og drengja) og sæmdarhefndir með sýruböðum eru kúgun gagnvart konum (og drengjum í tilfelli umskurðar þeirra) sem á ekki að leyfa á vesturlöndum, þessi fyrri dómur var því skammarlegur og réttmætt að hnekkja honum.

Þegar menn fara eftir fornaldarlögum, hvort sem það eru Móselög eða Sharyalög, lög ættbálka eða trúarhópa, mega þau lög ekki ganga yfir nútímalög og almenn mannréttindi.

Stúlkan sem hér um ræðir er barn, og þó að rök megi bera fyrir því að þeim yngstu í þessum hóp sem hér ræðir skuli bera aldur þeirra til refsilækkunar, þá afsakar ekkert þá sem komnir eru á aldur.
Hér er ekki hægt að segja að menn sem slíka gjörninga láta frá sér geti talist komnir til vits þó vissulega séu þeir komnir til ára í öllum eðlilegum skilningi.

Stúlka þessi, sem er 10 ára gömul, er samkvæmt öllum mannréttindasáttmálum og almennum lögum í vestrænum ríkjum, einkaeigandi á sínum líkama, en ekki forráðamaður, hennar viðkvæmustu staðir og tilfinningar eru hennar eigin og þessir menn gengu á það frelsi hennar að haga líkama sínum að vild, og ekkert 10 ára barn leitar eftir kynlífi við næstum heilt fótboltalið.

Þetta er því hópofbeldi - kúgun gegn kynfrelsi ólögráða einstaklings, stuldur á sakleysi, innbrot á einkasvæði þessa barns. Þessi glæpur jafnast á við sálarmorð og ætti því að teljast sem slíkt.

Þó margir hrópi á dauðarefsingu, þá get ég ekki verið, prinsippsins vegna, hlynntur slíkri refsingu. Ég er á móti því að ríkið fái leyfi til þess að taka líf, frekar en einstaklingar fái slíkt leyfi, þó vissulega væri ljóðrænt réttlæti í því að stúlka þessi fengi að hálshöggva þessa menn, en þá væri verið að gera hana að morðingja í ofanálag, og þá er spurning um hvort það væri ekki jafn alvarlegur glæpur.

Þegar dauðarefsing er leyfileg og ríkið dæmir menn til dauða, þá er alltaf hættan á því að  saklausir menn séu dæmdir að ósekju. Þá væri verið að fremja morð í okkar nafni, þá værum við öll, sem eigum og tilheyrum þessu ríki, morðingjar.

 

Ég vil heldur að ljóðrænt réttlæti fái að ríkja og þessir menn fái aldrei að gleyma þessum glæp og hvað þeir gerðu, svo lengi sem þeir lifa.

image001Ég vil þessa menn hlekkjaða þungum keðjum í djúpum námagöngum grjótnám þar sem þeim væri þrælað út 16 tíma á dag - að frátöldum tveimur 15 mínútna matartímum þar sem þeir fengju leiðinlega og kléna þó holla fæðu, svo svíðingarnir megi í svörtu myrkri námunnar sjá andlit þessarar stúlku allstaðar á meðan þeir þræla og sjá aldrei dagsljós framar, þar til þeir falla öreindir í ómegin.

 

Stúlka þessi mun aldrei gleyma þeirri svívirðingu og því ofbeldi sem hún var beitt.
Látum þá ekki gleyma - og leyfum þeim ekki að fá auðveldu leiðina út - dauðann.



PS: Þetta gildir fyrir alla þá sem í nafni hefða eða guðs myrða, nauðga og misþyrma. Þetta gildir fyrir hvern þann sem misnotar börn. Þetta gildir fyrir hvern þann sem gengur á þennan máta á frelsi annars - frelsið til þess að lifa, vera heilbrigð og ráða eigin lífi og líkama. Ekki fyrirgera rétti þínum á dagsljósi.


mbl.is Vægur dómur yfir hópnauðgurum vakti mikla reiði
Tilkynna um óviðeigandi tengingu við frétt

Mikið ELSKA ég frændur mína, Íra.

Það hentar ekki nokkurri þjóð sem vill viðhalda frelsi sínu að vera undir heimsveldi fjórða ríkisins.

 

Þetta vilja allskonar bjálfar hérlendis sem hafa keypt þann einhliða Quislingaáróður sem fjölmiðlar hafa haldið hér úti.

Ég minni ennfremur á eftirfarandi klausu úr Almennum Hegningarlögum:

“Almenn hegningarlög 1940 nr. 19 12. febrúar
X. kafli. Landráð.
V. 86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.



NO%20EU%20flag


mbl.is Írsk kosning áfall fyrir ESB
Tilkynna um óviðeigandi tengingu við frétt

Stjórnmálaskýring...

...á kvenlegum nótum, fyrir karlmenn sem snaraðir eru í kvikmyndahús...

 

Ég var að hugsa um daginn (sem veit aldrei á gott) þegar ákveðin þriggja tíma ræma var sett í sýningu í bíóhúsum um allan heim.

Ræma þessi er byggð á feikivinsælum kvenmiðuðum sjónvarpsþáttum sem hétu uppá Íslensku 'Beðmál í Borginni'. 

Ég hef ekki látið tæla mig til þess að glápa á þessa ræmu, en þegar ég var í sambandi fyrir þónokkru var ég sjanghæaður af minni þáverandi til þess að horfa á nokkra þætti.

Í þáttum þessum eru fjórar konur miðpunktur athyglinnar og minnti þetta mig á gamla fjórflokkakerfið hérlendis.

Carrie Bradshaw; aðalsöguhetja þessara þátta er tvímælalaust Alþýðuflokkurinn sálugi, eða núlifandi systir hans Samfylkingin. Hún er ekki viss hvar hún stendur í lífinu og hvort hún eigi að stökkva í djúpu laugina með millanum sínum eða að sinna alþýðudrengjum, hún veit ekki alveg hvað hún vill, þessi elska.

Samantha Jones; uppáhalds karakterinn minn í þessum þáttum er þó ekki uppáhalds stjórnmálaflokkurinn minn, hún er kynferðislega sjálfstæð kona sem gerir það sem henni sýnist í beðmálum sínum á meðan flokkurinn sem hún speglar hérlendis er vissulega sjálfstæður í skoðanatöku og leggst með hverjum sem hann sýnist, maddamma Framsókn.

Charlotte York;
hin bláblóðga Karlotta á ekki jafn miklum vinsældum að fagna bólleiðis, en er íhaldsöm með afbrigðum og vill aðeins bláblóðgan aðal í beð sitt og það til frambúðar. Sjálfstæðisflokkurinn er að sama skapi aðeins fyrir aðallinn og á mun meiri vinsældum að fagna en Karlotta speglun hans, en hversvegna það er... ...tja. Maður spyr sig?

Miranda Hobbes; Sterka framakonan Miranda á sér hreina speglun á Íslandi, bæði í dag og gamla fjórflokknum, meiraðsegja er hún með sama hárlit og formaður arftaka Alþýðubandalagsins, Vinstri Hreyfingunni Grænu Framboði. Henni virðist uppsigað við karlmenn og gæti mögulega snúið sér alfarið til kynsystra sinna.

Miranda eignaðist son á sínum tíma með Steve Brady, (Frjálslynda Flokknum) (sem var alinn upp af alkohólískri móður (nauð Íslensku þjóðarinnar vegna kvótakerfisins)) og heitir hann Brady Hobbes (Íslandshreyfingin Grænt Framboð).


Ég vona að þessar vangaveltur mínar stytti karlmönnum sem neyðast til þess að horfa á þetta drama stundirnar.


Trúfrelsi í einu elsta lýðræðisríki veraldar...

...er því miður af skornum skammti.

Hérlendis, sem og í öðrum vestrænum löndum reynir hin svokallaða kristna hægristefna að halda uppi völdum kirkjunnar með boðun á eingyðistrúarbrögðum sem hafa úrkynjast í gegnum aldirnar.

Hin Íslenska Ríkiskirkja hefur sjálf stundað stefnusvig innan mótmælendastefna, verið Lúthersk og Evangelísk og tilheyrt hinni Heilögu Germönsku Kirkju (sem sr Adolf Hitler stofnaði á sínum tíma).

Áður en mótmælendatrú var neydd uppá landan var hér stétt Kaþólskra presta sem gekk um með sínu offorsi, áður en Kaþólska kirkjan, þ.e. sú Rómverska var stofnuð 1062 nægði okkur að kalla okkur kristna til þess að sleppa við að vera nauðgað, myrt og nídd af norrænum höfðingjum sem höfðu tekið upp þessi eyðimerkurtrúarbrögð í þeim tilgangi að sameina Norðurlönd - enda henta þessi trúarbrögð einkar vel til þess að réttlæta einræði, það er jú aðeins (þrí-)einn Gvuð sem skapaði þetta alltsaman og stýrir þessu öllu ljóst og leynt... ekki satt? Það er bara einn páfi... sem hentar líka alveg rosalega vel. Miðstýring valds.

Ég veit að þetta er einföldun á sögunni, en ef ég ætlaði að rekja söguna í einni bloggfærslu með öllum sínum bugðum og beygjum, entist mér ekki aldur til.

Miðstýring.

Hljómar Stalínískt, ekki satt?

Eða jafnvel Nazískt. Einn Guð, ein kirkja, einn páfi... þjóð, ríki, Führer...

Á sama tíma og valdaklíkur vesturlanda reyna að halda lyginni gangandi flytjast aðrir aðdáendur eyðimerkurmýta meir og meir til vesturlanda og halda sinni trú og vilja meina vestrænu fólki í frjálsum löndum að tjá sig eins og það vill, enda skiljanlegt að eyðimerkurtrúarbrögðin vilji vera jafn rétthá. En það er bara ekki svoleiðis, elskurnar mínar. Við eigum ÖLL að vera jafn rétthá...

 

...og það er ekki hægt með því að neyða umburðarlyndi uppá fólk, fólk verður að finna umburðarlyndið innra með sér. Það er ekki hægt með því að neyða ein eyðimerkursiðferðisgildi eða önnur uppá þjóð, ef þú vilt trúa er það þitt mál, en á ekki að tengjast ríkisrekstri og ríkisreknum skólum í landi sem á að heita trúfrjálst og hafa undirritað mannréttindasáttmála Sameinuðu Þjóðanna þar sem ákvæði eru um trúfrelsi.

Það er ekki hægt með því að leyfa kirkjunnar mönnum að komast inn fyrir skóla sem eiga fyrst og fremst að kenna menningu og vísindi, ekki innræta trúarbrögð.

Þjóðkirkjan er úreld stofnun og það er raunar móðgandi fyrir alla trúfrjálsa sem og þá sem játa aðra trú en kristni að í gunnfánum allra norðurlandana sé kross - en það hefur minna vægi en það sem hér um ræðir.

Alþingi Íslendinga, sem fyrst var sett sem löggjafavald árið 930 af heiðnum mönnum, (enda auðvelt að trúa á fulltrúarlýðræði þegar guðirnir skipta tugum) er sett nútildags í Kristinni kirkju. Þjóðsöngur okkar byrjar á þeim hvimleiða frasa 'ó Guð vors lands'. Það er ekki heldur aðalatriðið.


Jesúmafían vill leynt og ljóst stýra öllum siðferðisatriðum Íslensku Þjóðarinnar, vill hafa áhrif á börnin áður en þau eru nógu menntuð til þess að sjá í gegnum ævintýralegar lygar þeirra og vill umfram allt, samkvæmt orðum Karls útlendinga og trúfrjálsrahatara Sigurbjörnssonar meina að þeir sem ekki játa Kristna trú á forsendum REICHSKIRCHE teljist ekki Íslendingar og í besta falli annars flokks þegnar.

 

Ég veit hvar mér rennur blóðið til skyldunnar. Til frelsis og jafnréttis, lýðræðis og tjáningarfrelsis á Íslandi, því ögrum skorna landi sem hefur fóstrað mig og allt mitt fólk frá fornöld. Sé ég ekki Íslendingur sökum þess að ég játa ekki eyðimerkurtrú eftir forsendum Kalla í kuflinum þá vil ég ekki vera Íslendingur, þó ég rísi í hvert sinn sem ég heyri þjóðsönginn, taki að ofan og setji hönd á brjóst mér.
Það er mér meira virði að ég og minn hugur, mín trú og mitt sinni sé frjálst heldur en þessi þjóð og þetta sem er mér þó svo margt, en þarna brýtur báran. Ég er fyrst og fremst Einar, ekki þjóðin sem ég elska.

Karl útlendinga og trúfrjálsrahatari Sigurbjörnsson ætti að taka þessi orð sín aftur. Þessi orð þar sem hann særir hvern þann Íslending sem ekki er honum sammála í lífsskoðun. Þar sem þessi RÍKISSTARFSMAÐUR segir að við séum ekki Íslendingar þar sem við erum ekki eins og hann.

Ég geri mér grein fyrir því að þetta er máské titlingaskítur sem ég er að telja hér til, en þessi maður sem er með milljón á mánuði úr þínum vasa lesandi góður, sagði þig ekki Íslending nema að hann fái að heilaþvo og innræta þig.

Ef hér ræddi um stjórnmálaflokk, Ríkisflokkinn, einskonar kommúnískan flokk sem trúði á einræðisherra sem væri á huldu og hefði ekki látið sjá sig í þúsundir ára myndi hver sjá hvílík svívirða er á ferð.

Karl, ég er ekki trúaður, en við fósturjörðina sem ég stend á, við hafið sem umlýkur þetta land mitt sver ég að ég er meiri Íslendingur en þú verður nokkurntíman - því ég trúi á lýðræði og frelsi, en ekki kreddueinræðisherra á himni.

 

 

Sjá þér hórseka nöðrukyn, þér hafið gert hús feðra minna að kommúnistaríki.  


mbl.is Svarthöfði á vegum félagsmanna í Vantrú
Tilkynna um óviðeigandi tengingu við frétt

Skilaboð til Svarthöfða:

(Þá mannsins sem er klæddur sem Darth Vader:) Þú ert hrein snilld.

 

Ég ætla að vona að fólk hafi séð húmorinn í þessu.
forks_562784

emperor.pope

 


mbl.is Prestastefna hófst með messu í kvöld
Tilkynna um óviðeigandi tengingu við frétt

Svona spurningalisti einhverskonar.

1.ERTU SKÍRÐ/UR Í HÖFUÐIÐ Á EINHVERJUM ? 

Nei. Ég er nefndur útí loftið. Ég nefndi þó sjálfan mig eftir Jimi Hendrix og Jimmy Page - enda ekki öllum hentugt að bera fram 'Einar' og því vil ég frekar að fólk kalli mig Jimy en að skíta nafnið mitt út með því að kalla mig 'Einal'...


2. HVENÆR FÓRSTU SÍÐAST AÐ GRÁTA ?

Ég hreinlega man það ekki.


3. FINNST ÞÉR ÞÚ SKRIFA VEL ?

Já. Mér finnst það...     


5. ÁTTU BÖRN ? EF JÁ HVE MÖRG ?

Ég á læðurnar Yoda og Tígru, 3gja og 1s árs.


6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ? 

Mér væri það heiður að vera vinur minn. 


7. NOTARÐU KALDHÆÐNI MIKIÐ ? 

Nei. Aldrei.


8. FÆRIRÐU Í TEYGJUSTÖKK ? 

Ég er alltaf að láta plata mig í einhverskonar vitleysu. 

9. HVAÐA MORGUNMATUR ER Í UPPÁHALDI HJÁ ÞÉR ?

Hollenskur morgunverður, appelsínusafi, steikt skinka, spælt egg og Heineken.

  

10. REIMARÐU FRÁ ÞEGAR ÞÚ FERÐ ÚR SKÓNUM ?

Ekki ef ég er í mokkasínum. 


11. TELURÐU ÞIG ANDLEGA STERKAN ?

Ég skal síst segja það sjálfur. 

12. HVERNIG ÍS ER Í UPPÁHALDI HJÁ ÞÉR ? 

Karamellu og bananasjeik. 

 
13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ?

Ég hreinlega veit það ekki. 


14. RAUÐUR EÐA BLEIKUR VARALITUR ?

Ég nota mjög lítið varalit. 

15. HVAÐ MISLÍKAR ÞÉR MEST VIÐ SJÁLFAN ÞIG ? 

Ef ég segði það hérna, þyrfti ég að drepa ykkur öll. Ég kann alveg ágætlega við sjálfan mig. Skulum hafa það þannig.


16. HVAÐA MANNESKJU SAKNAR ÞÚ MEST ? 

Ég sakna þess að hafa ekki náð að kveðja afa minn, Pétur Maack og ég sakna þess að hafa aldrei sagt honum að hann væri hetjan mín.


17. VILTU AÐ ALLIR SEM LESA ÞETTA SVARI ÞESSUM LISTA ?

Mér er eiginlega slétt sama.


18. HVAÐA LIT AF BUXUM OG SKÓM ERTU Í NÚNA ?

Ég er í dökkbláum Levis, 26"X35" og bláum Adidas tennisskóm, stærð 42. 


19. HVAÐ VAR ÞAÐ SÍÐASTA SEM ÞÚ BORÐAÐIR ?

Rjómatertusneið.


20. Á HVAÐ ERTU AÐ HLUSTA NÚNA ?

Niðinn af tölvunni og högg mín á lyklaborðið. 


21. EF ÞÚ VÆRIR LITUR, HVAÐA LITUR VÆRIR ÞÚ ?

Ég myndi telja að ég yrði grænn eða blóðrauður. Fer örugglega eftir því í hvaða skapi ég er. Get verið bæði mjög yfirvegaður og blóðheitur.


22. HVAÐA LYKT FINNST ÞÉR BEST ? 

Konuilmur. Vú-Ha! Svo er lyktin af smjörsautéuðum lauk og hvítlauk býsna sæt.


23. VIÐ HVERN TALAÐIRÐU SÍÐAST Í SÍMA ? 

Mömmu.


24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? 

Ég þekki hana ekki persónulega, aðeins af vefnum, en mér sýnist allt á öllu að þetta sé príðisstúlka, enda Austfirðingur. 


25. UPPÁHALDSÍÞRÓTT SEM ÞÚ HORFIR Á ? 

500 metra kynlíf fallegra.


26. ÞINN HÁRALITUR ? 

Sandrauður... erh... eða svoleiðis. Ljóst afbrigði af rauðum. 


27. AUGNLITUR ÞINN ?

Ég var sakaður um að vera með refsaugu um daginn. Þau eru nefnilega hvorki brún né græn, dökkgræn í ytra byrgði og óransbrún í innri hring sem myndar einskonar sólblóm.


28. NOTARÐU LINSUR ? 

Nei. Ég sé fullkomlega.


29. UPPÁHALDSMATUR ?

Til þess að vera fullkomlega heiðarlegur verð ég eiginlega að segja Murphy's Irish Stout -enda máltíð í glasi. En þegar ég fæ mat hjá mömmu er ég ægilega sáttur, enda er mamma besti kokkur í heimi. Ég er nefnilega það blessaður að fæðast hjá foreldrum sem eru bæði lærð í matargerð, þ.e. pabbi er menntaður matsveinn og mamma menntuð húsmóðir svo það rekur á furðu að ég sé ekki akfeitur - enda þyngdist ég um 20 kg síðast þegar ég bjó á hótel mömmu.

 

30. HRYLLINGSMYND EÐA GÓÐUR ENDIR?

Já.


31. SÍÐASTA BÍÓMYND SEM ÞÚ SÁST Í BÍÓ ? 

Direktören av det hele.


32. KNÚS OG KOSSAR EÐA LENGRA Á FYRSTA DEITI ? 

Ég þarna... erh... plana ekki barneignir á fyrsta deiti í það minnsta, en þetta hlýtur allt að velta á stemningunni og manneskjunni sem maður er að deita.


33. UPPÁHALDS EFTIRRÉTTUR ?

Falleg kona. Devil


34. HVER ER LÍKLEGASTUR TIL AÐ SVARA ÞESSU OG BIRTA ? 

Ég hreinlega veit það ekki. 

35. HVER ER ÓLÍKLEGASTUR ? 

Sjá 34. 

36. HVAÐA BÓK ERTU AÐ LESA ? 

Ég er að lesa Sherlock Holmes safnið eftir Arthur Conan Doyle, var að lesa 'Feet of Clay' eftir Terry Pratchett og svo er ég nánast alltaf annað slagið með nefið í annað hvort Mill eða Nietszche.


37. HVAÐA MYND ER Á MÚSAMOTTUNNI ÞINNI ? 

Ég er ekki með músarmottu. Músin mín er í búri. 


38. Á HVAÐ HORFÐIRÐU Í SJÓNVARPINU Í GÆR ?

Ég horfði ekki á sjómbið í gær.


39. ROLLING STONES EÐA BÍTLARNIR ?

Mamma þín eða pabbi? Þetta er asnaleg spurning. Ég fíla að vissu leiti bæði bönd og líka hvorugt. Ég ætla því að segja MC5.


40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ?

Tékkland.


41. HVERJIR ERU ÞÍNIR HELSTU EIGINLEIKAR ?

Fegurð, greind, hæfileikar og svo er ég lítillátur.


42. HVAR FÆDDISTU ?

Ég var aldrei borinn, heldur skorinn. Það gerðist á Landsanum, en ég er fæddur Grindvíkingur.


43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ?

Ég get bara ekki svarað því, enda lítið um spennu þegar ég er búnað svara þessu sjálfur.


Grynnka

Fyrir ekki alls svo löngu var ég að ræða við manneskju um tónlistar-trivíu þegar ég minnist á blæti þeirra David Bowie og Jimmy Page fyrir jarðneskum eigum ofurkuklarans Aleister Crowley.

Þegar ég minnist á Crowley er ég strax spurður hvort ég hafi kynnt mér tarotspilastokk 'Dýrsins Mikla' (eins og hann kallaði sig).

Ég svara því að ég sé algjör rökhyggjumaður og ég hafi ekki áhuga áhindurvitnum og hjábárum þeim sem tengjast dulspeki (þó ég hafi vissulega áhuga á sálfræðilegri og heimspekilegri hlið þessara mála). Ég segist bera virðingu fyrir rétti annarra til þess að hafa sínar trúarskoðanir (því nýaldarkukl er jú óneitanlega tengt trúarskoðunum), en því miður finnist mér þetta vera loddaraskapur, sjálfsblekking og ranghugmyndir.

Þá fæ ég því slengt framan í mig að ég sé grunnhygginn, ég spurður að stjörnumerki og þegar ég játa það á mig að vera fæddur í Sporðdrekamerkinu er kinkað kolli og sagt yfirlætislegum tóni 'Já... týpískur sporðdreki. Þykist vita allt best og er alltaf í vörn...'

Mér varð nú hugsað um skilgreiningu hugtaksins grunnhyggni og hvort að skilningur manneskjunnar á þessu hugtaki hafi verið eitthvað takmarkaður, enda fannst mér nú óþarflega laust við andargift og dýpt að í einum vettvangi saka mig um grynnku vegna trúarskoðana minna og þess þá heldur slengja framan í mig þeim fordómum að persónuleiki minn væri á einhvern fyrirfram ákveðinn máta samkvæmt því hvar á himni stjörnurnar voru þann myrka Októbermorgun sem ég var skorinn úr móðurkviði.

 

Mér er oft hugsað til þeirra einstaklinga sem byggja líf sitt og heimsmynd á hindurvitnum og hjábárum sem engan vegin er hægt að sanna með áþreifanlegum rökum. Þeim sem stökkva í blindni án haldbærra sannana á einhverjar fyrirfram gefnar niðurstöður um eðli lífsins hér á þessari storð og láta jafnvel reglur sem skrifaðar voru fyrir þúsundum ára af tjaldbúum á bronsaldarstigi stýra lífi sínu algjörlega.
Það er ekki það að mér sé það þvert um geð að fólk trúi á Tarot, stjörnuspeki, innyflalestur, Messías, I Ching, rúnakast, spámiðla eða aðra eins óvísindalega rökleysu.
Mér er álíka sama um það og þegar félagslega seinfær stúlka sem ég kannaðist við fyrir nokkrum árum þóttist kunna að tala Álfamál Tolkiens og tautaði í sífellu einhverja frasa sem hún hafði lært úr þeim annars ágæta bálki.
Mér er raunar algjörlega sama á hvað fólk trúir - svo lengi sem það fer ekki útí fordómaboðun og fordæmingar á öðrum sem ekki haga sínu lífi á sama máta.

Þetta er stóra hættan við hindurvitni. Það að fólk sem kemst til valda fari að haga lífi sínu eftir ýmiskonar hjábárum.

Júlíus Gaius Caesar vildi á sínum tíma ekki starfa með Drúíðastéttum Galla, einfaldlega vegna þess að hann var ekki tilbúinn að veita fólki sem reiddi allt sitt á hindurvitni vald umfram það sem heilbrigt var - og þó var hann manna frjálslyndastur í trúmálum.
Ég er sama sinnis.

Ég er ekki hlynntur því að hér verði í nafni umburðarlyndis lúffað fyrir trúarskoðunum sem faktískt séð teljast strangt til tekið einkenni geðveiki. 

Ef mannfórnir væru normið í einhverjum af þeim menningarheimum sem fjölmenningarsamfélagið hefur blandað við okkar litla samfélag á norðurhjara, væri máské auðveldara fyrir fólk að skilja hvað ég á við. En staðreyndin er sú að heiðursmorð og valdníðsla í nafni trúar eru mannfórnir okkar daga.

Þetta á jafnt við um Múslima, Kristna, Gyðinga og Hindúa. Hér á okkar fagra landi búum eigum við frelsi. Við þurfum að umbera og bera ábyrgð. Þetta á jafnt við um alla. Sama hvaða skoðanir við höfum.

Ef strangtrúaðir Múslimar koma hér og í nafni þessa trúarbragða friðar og undirgefni (yeah right) myrða konur fyrir að bera ekki á höfði sér slæður eða leggja lag sitt við menn sem eru ekki Guði/Allah (lesist 'Fjölskylduföðurnum') þóknanlegir, eigum við þá að umbera að þessi trúarbrögð fái að þrífast hérna? Þetta eru jú vissulega mannfórnir.

Ef hagstjórnun ríkis vors væri í höndum einstaklings sem notaði kaffibollaspákerlingu í Grafarvogi til þess að taka mikilvægar ákvarðanir um peningana okkar, vona ég svo sannarlega að við Íslendingar myndum rísa upp gegn slíkri óværu.
Rétt fyrir miðja síðustu öld voru meðlimir Thule Dulspekihreyfingarinnar í hæstu sætum Þriðja Ríkis Nazistanna og við vitum öll hvernig það fór.

Í dag er það svo hinsvegar að beggja vegna  Atlantsála  er heilu ríkjunum - heilu herjunum og heilu kjarnorkuveldunum stýrt af mönnum sem tala við ósýnilega vini sína - mönnum sem fyrr á öldum hefðu leitað til véfrétta - eða kaffibollakerlinga nútildags. Það er jú aðeins sá stigsmunur á prestum kirkjunnar og kaffibollabullukollum að klerkarnir hafa gengið í háskóla til þess að læra að spá í sr. Bolla og þeir hola okkur niður, splæsa okkur saman og hella vatni á okkur þegar við erum rétt nýfædd.
Sá er munurinn.

Þósvo að vissulega sé lengri hefð fyrir þeim kaffibollum sem klerkarnir rausa uppúr sér á almannafæri, þá eru þetta engu að síður hindurvitni eyðimerkurbúa á bronsöld (Gamla Testamentið) og heilaþvottur einræðisinnaðra hástétta Evrópu í gegnum aldirnar (Nýja Testamentið).

Ég tel að tími sé kominn á það að Íslendingar - einhver læsasta og best menntaða þjóð allra tíma kasti af sér þeim hlekkjum sem ríkistengd trúarbrögð eru. Ég held að tími sé kominn á að við Íslendingar förum þess á leit við ráðamenn að þeir beri virðingu fyrir fólkinu í landinu - sama hverrar trúar það er. Björn Bjarnason og Karl Sigurbjörnsson eiga báðir að sýna okkur þá virðingu að segja af sér þar sem þeir hafa orðið uppvísir af þeim trúarfasisma að láta útúr sér að eitt af meginatriðum þess að teljast Íslendingur sé að vera Þjóðkirkjukristinn.

Þá eru hvorki ég, sem er hér borinn og barnfæddur, sem og nóbelsskáldið og landnámsmenn okkar Íslendingar. En hver veit, máské að þessir háu herrar geti útskýrt fyrir mér og öðrum trúfrjálsum Íslendingum hvað við séum, víst við erum ekki Þjóðkirkjukristnir. Ég vona að þeir geti líka útskýrt fyrir mér hvað þeir sem aðhyllast önnur trúarbrögð en kristni og eru fæddir og uppaldir hérna og þeir sem hér setjast að með aðrar trúarskoðanir eru - og hvort þeir geti þá nokkurntíman orðið Íslendingar.
Þessi orð fela nefnilega í sér meira útlendingahatur en nokkrir aðrir Íslenskir valdhafar, veraldlegir eða geistlegir hafa látið útúr sér.
Árni Johnsen gekk svo um með sínum klassíska fruntalega, ruddalega og níðingslega máta og gerði enn betur á þeirri stofnun sem hér er hornsteinn lýðræðisins og var stofnuð af heiðnum mönnum anno 930 - og lét útúr sér eftirfarandi frómu orð í umræðunni um þá frekjulegu kröfu Þjóðkirkjunnar að heilaþvo börnin okkar:
Þá er látið undan dekurrófum, trúleysingjum og stjórnleysingjum víða um heim, fólki sem hugsar mest um sjálft sig en síður um að sinna náunganum af kærleik og góðvild.

Ég hefði talið að menn ættu ekki að kasta kantsteinum úr glerhúsi. Ég tel að ég sýni heminum meiri kærleika og góðvild en þessi lygamörður og þjófur sem hefur ítrekað gerst sekur um að ræna peningum Íslensku þjóðarinnar til þess að setja í einkahagsmunaverkefni.


Nei góðir lesendur. Það er komið nóg. 

Við getum ekki verið aftar á þróunarlegri meri en áðurnefndur Caesar og í sífellu fellt hugi okkar við þá sem byggja heimsmynd sína á hindurvitnum.

Við getum ekki lengur verið svo uppfull af ranghugmyndum og kreddum að við teljum náunga okkar sem vilja okkur ekkert illt -aðeins lifa eftir rökréttum ástæðum- grunnhyggna eða hættulega vegna þess að þeir aðhyllast ekki geðveiki og ranghugmyndir - við erum ekki grunnhyggin fyrir að trúa á það sem við sjáum, á áþreifanlegar staðreyndir.
Við erum einfaldlega veraldleg en ekki vont fólk.

Við getum ekki lengur staðið í því að láta stofnanir órökstuddra trúarskoðuna tengjast ríkisvaldinu okkar.

Aðskiljum ríki og kirkju.

Hættum að saka fólk um grunnhyggni fyrir það að vera okkur ósammála.

 

Post Scriptvm - ef Jón Valur Jensson er að lesa þetta, þá eru meiri einkenni geðveiki í því að tala við einhvern sem er ekki þarna heldur en að elska einstakling af sama kyni. Spurðu hvaða geðlækni eða sálfræðing sem er. 


Fimmtudaginn!

(Textinn sem hér fylgir á eftir er staðlað auglýsingaform frá mér.)

 

...Er ég að spila á tveimur stöðum.


Annarsvegar er ég að spila á menningarhátíð Grand Rokk einhverntíman á milli 21:00 og 23:00 þar sem ég mun spila einn með kassagítar einhver 3-4 lög af plötunni 'Phoenix Last Burn' sem ég (Keeping the Darkness at Bay) er með í smíðum.



Síðar um kvöldið (frá u.þ.b. 23:00) mun sukksöngvasveinadúettinn 'Sound & Fury' skipaður mér og Haraldi nokkrum Bowie á the English Pub og munum við spila tökulög í bland við einhver frumsamin lög.



Ég vona að þið sjáið ykkur fært að mæta sem flesk og egg.



The coming Thursday (5th of June) I will be gigging at two places.


At the first gig I will take the stage sometime between 21:00 and 23:00 and I wont give it back (haha). I will be playing some selected numbers of 'Keeping the Darkness at Bay's coming album 'Phoenix Last Burn' alone accompanied by my own acoustic.


Later on that same evening (23:00+) yours truly and one master H. Bowie will take the stage at the English Pub and play covers in mix with a few original numbers.



I hope all will either be there or some sort of polygonal forms.


Ég ætla að fá eina hjúkku, takk.

Lagið Night Nurse eftir Gregory Isaacs af samnefndri plötu, (en er þekktara í flutningi hjá Einfaldlega Rauðum frá árinu 1988 (af plötunni Blue)) er tilvísun í klámfengna ímynd hjúkrunarfræðinga. Á ekki að banna það lag bara?

I dont want to see no doc
I need attendance from my nurse around the clock
Because there s no prescription for me
Shes the one the only remedy 

Má ég þá frekar segja hvað ég vil heldur en að þurfa að verða fyrir barði ritskoðunarsinna? Þetta er nefnilega buuuull.

Þó að vissulega megi leiða að því rök að stereotýpun starfsstétta hljóti alltaf að vera neikvæð þá eru margar aðrar staðalímyndir sem eru alveg jafn neikvæðar og jafnvel meira niðrandi en klámfengin ímynd hjúkrunarfræðinga. Til að mynda drykkfelldir sjóarar og kokkar etc, óheiðarlegir bifvélavirkjar og bílasalar, bólugrafnir forritarar og heimskar fyrirsætur.

 doctors

Allra átta hafa nú þegar birt aðra mynd á  vefsíðu sinni og í þetta sinn af karlkyns læknum.

Svo ég grípi til feminísks tepruskapar vil ég benda á að þeir ýta undir neikvæðar staðalímyndir af karlmönnum og þá sérstaklega læknum. Maðurinn til hægri heldur um mjaðmir sínar, stelling sem þekkt er úr klámheiminum og virðast allir þessir læknar vera að springa úr greddu og tilbúnir að skoða hvern sem er náið og innilega.

Eins má sjá að læknarnir tveir til hliðar standa í röð, sem er tilvísun í hópreiðar úr klámheimum og ýtir einnig undir þá staðalímynd að læknar séu reiðubúnir til þess að taka  sjúklinga sína í hópreið...

 

 

 

...eða ekki.

 

Hvernig væri nú að fara að einbeita sér að alvöru vandamálum í stað þess að mála skrattann á vegginn?


mbl.is Kvartað undan auglýsingu
Tilkynna um óviðeigandi tengingu við frétt

Óvart.



Ég ætlaði nú ekkert að fara, en svo var hringt í mig og mér boðinn miði.

Ég sagði bara takk og við sjáumst í kvöld Robbi Herbegiskall. (Zimmer-mann...?) 


mbl.is Enn til miðar á Dylan
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband