Og vandamálið er...?

Nú hef ég oftar en ekki verið sakaður um að vera ölkær þó ég geti alltaf eins og allir aðrir bent á einhvern verri. En ég fæ mér reglulega 1-3 kollur eftir vinnu og kem mér svo bara heim. (ekki daglega þó, en 2-4 sinnum í viku)

Eins reyki ég. Að meðaltali 1 pakka á dag, en það er annars eðlis.

Ég drekk til þess að... hmm...
...mér finnst stout bjór góður, svo ég drekk hann væntanlega þess vegna. 

En ég þekki fólk sem drekkur til þess að gleyma. Það er einatt fólkið sem drekkur óhóflega.

Er þetta ekki bara þjóðráð? Drekktu 2-5 á dag og ætlunarverkið tekst að lokum...?
Það væri frekar tilgangslaust að drekka til þess að gleyma ef það virkaði svo ekki.

 

 

Annars dettur mér í hug annar vinkill á þessa frétt.

Hversvegna greinast drykkjumennirnir fyrr en aðrir? Vegna þess að þeir líða fyrir sjúkdóminn fyrr, eða fara þeir fyrr til læknis... (Læknir, ég gleymdi lifrinni minni einhverstaðar, þaddna... já... hvar er ég aftur?) 

Annars er ég bara hress og lítið að gera í vinnuni.

Best að skella sér í sígó og hugleiða hvað lífið væri leiðinlegt ef ég gleypti upp allar þessar viðvaranir.
Ég vil ekki verða of mikil byrgði of lengi sem gamalmenni (þótt ættirnar mínar lifi oftast ti níræðs í tilfellum karlmanna og tíræðs í tilfellum kvenna) og ætla því að stytta mér systematískt aldur með reykingum og óhollri skemmtan hverskonar, kjötáti, öldrykkju og lífsnautnum til þess að börnin mín ófæddu drukkni ekki í sköttum þegar að því kemur.

Drykkja flýtir fyrir Alzheimer

İOy Dios Mio!

¿Como en la mierda...

 

Ég meina... hvernig í fj... dettur nokkrum í hug að kjósa kaþólskan kommúnista í forsetastól...?

Nú er ég ekki að setja útá störf Fernandos Lugo fyrir fátæka, en ég á erfitt með að treysta mönnum sem játa trú sem er eins heit og Rómversk Kaþólsk trú fyrir málum sem eru ekki geistleg heldur veraldleg. Ég á ennþá erfiðara með að treysta mönnum sem hafa lýst yfir dálæti á Hugo Chavez, rauðliðanum hressa frá Venezuela...

 

...en það er ekki aðalvandamálið.

Þósvo að Lugo hafi eimmitt gert sitt besta til þess að færast frá stereotýpískum lýðskrumsstjórnmálamönnum Suður Ameríku (en samy lýst yfir dálæti á Chavez (¿WTF?)) þá brýtur hann í bága við 235 gr. Stjórnarskrár Paraguay sem segir að enginn smurður/vígður/innlimaður prestur nokkurra trúarbragða geti haldið veraldlegri stöðu sem kosið er um þarlendis og Jósef Benedikt Ratzinger Páfagaukur neitaði að taka við afsögn Fernandos, þósvo að honum sé aftur á móti meinað að stunda geistlega klerkavinnu, þá tilheyrir hann ennþá stétt hinna innlimuðu...

Ég þekki reyndar ekki forsendurnar fyrir áðurnefndri stjórnarskrárgrein, og er ekki viss um hvort að hún stangist á við mínar hugsjónir um frelsi og jafnrétti meðal manna (jafnvel þó þeir trúi á ímyndaðan kall uppá skýi), eða sé það skynsamlegasta sem ég hef heyrt frá S-Amerískum stjórnmálum fram til þessa.

Verður væntanlega athyglisvert að fylgjast með þessu.

Biskup kjörinn forseti Paragvæ

Í minningu frænda og vinar.

 

"Never take your loved ones for granted: they
could be gone tomorrow"

At times we may fall, like we all tend to do but I'll reach out and find that
I've run into you, your strength is the power that carried me through, forever.

Your kindness for weakness I never mistook, I worried you often,
yet you understood that life is so fleeting, these troubles won't last forever.

Inspired me truly you did from the start to not be afraid and to follow my heart
-there's a piece of you with me they can't tear apart, forever.

Forever I'll find you, forever we'll be.
Forever your power and strength stays with me.

Já...

...þar sem ég er rauðhærður og var því vitlaus unglingur get ég tekið undir það með Agli að það getur verið  alveg rétt að rauðhærðir unglingar séu kannski eilítið vitlausari en aðrir unglingar, en ég ætla ekkert að segja um aðra.
Ég ætla þó að vona að við rauðhausarnir séum ekki allir vitlausir, leiðinlegir, smekklausir, uppivöðslusamir og umfram allt stjórnmálalega fatlaðir þegar komið er á Egils aldur.

En það er ekkert sem afsakar það að vera smekklaus hálfviti með ÖMURLEGAN bókmenntasmekk eins og Egill Helgason.

Egill, "Bréf til Láru" eftir Þórberg frænda minn er miklu betri heldur en nokkurt að því sjálfumglaða slefi sem þú ælir yfir samlanda þína vikulega, og 1000 sinnum betra heldur en nokkuð sem þú hefur afrekað að rita á blað, nokkurntíman.

Ég held að svona gagnrýnendatittir sem hafa ekkert gefið út af viti sjálfir ættu að vara sig þegar farið er út í verk einlægasta rithöfundar Íslands. Sérstaklega þegar til þess er litið að Egill er Laxness aðdáandi, og Laxness var ofmetið skrípi sem kunni ekki að skrifa á Íslensku og að það er þjóðinni til skammar sem og öllum norrænum löndum að hann skuli hafa fengið Nóbelinn þar sem það þótti ekki nógu pólítískt kórrétt á sínum tíma að yfirlýstur Nazisti eins og Gunnar fengi svíagullið.

 

Annars er ég bara hress. 

Óvarleg alhæfing

Jæja...

Þó að ég elski málfrelsið og í staðin fyrir að tala bara um það eins og flestir landar mínir sé ég tilbúinn að berjast fyrir það, þá stingur talsvert í augun að það sé ekkert mál að blogga um þetta, en svo var einhver þjósár Davið Beckham aðdáandi þarna uppi á Mbl.is sem lokaði á bloggmöguleikann um frétt af honum...

...hérna er tragísk frétt af raunum 17 ára stúlku sem ekki er sviðsljósmanneskja eins og fyrrnefndur Davíð Bekkskinka og er væntanlega bara ósköp venjuleg manneskja á viðkvæmu æviskeiði og hvorki við né hún þurfum á saurstorminum sem bloggheimar munu ausa yfir þessa frétt að halda.

Ég tek því undir með Hebba bloggvini mínum og er á móti bloggtengingum við svona fréttir. 

Ekki var brotið á stúlkunni

*Sexy*Time* -Hott!! Hott!! Hott!!

Ég get ekki með mínum litla sæta hug skilið hvað í andskotanum er svona athugavert við það að einkafélagsskapur af þessum toga kaupi þjónustu manneskju sem er á annað borð að bjóða hana
.
Ég get hreinlega ekki séð hvað er athugavert við það.

Hinsvegar, ef sannað þætti að hestamenn þessir ætluðu að skella hnakki á stúlkuna sem þeir réðu til þess að dást af, og ætluðu hver á eftir öðrum að ríða henni upp Mosfellsdalinn og útá Kjalarnes, án þess að það væri þjónustan sem hún hefði hug á að bjóða, þá væri það eitt og sér athugavert.
En þegar kona vill selja  sýningu á líkama sínum hefur hún rétt á því og ég, sem aðdáandi kvenna og kvenfrelsis, rétt eins og annars persónufrelsis, styð hana heilshugar í þessu.

Ég held að það verði nú ekki upp á þessa gæðinga í Hestamannafélaginu Herði klagað að þeir hefðu haft eitthvað misjafnt í pokahorni þessa skemmtanahalds þeirra. Kannski er fjaðrafokið í samfélaginu og saurblaðsfyrirsögnin í 24 Stundum í morgun einkennandi fyrir grasserandi fordóma og neikvætt hugarfar í garð hestamanna, hestamanna sem hafa í versta falli boðið feministum að ríða upp með Álafosskvosinni með þeim.

Tók eftir því hérna áðan þegar ég skimaði yfir bloggheima í sambandi við þessa frétt voru margar rafrænar raddir sannfærðar um að harðir. Afsakið, Harðarmenn, væru ekki par hrifnir af því ef dætur þeirra stunduðu þessa listgrein sem súludansinn verður að teljast.

Ég á tvær dætur, en þær eru ferfættar og mjálmandi og ég er því síður hestamaður þó ég hafi gaman af stöku reið. (Ég myndi bara aldrei meika taðbrælunna sem virðist setjast í skó þess þjóðfélagshóps.) EN.

Ef ég ætti mennskar dætur færi ég hiklaust með þær á súlustað þegar þær yrðu 18 vetra.
A) til þess að  benda á að sé hinn valmöguleikinn ef þær ætli að flosna úr námi eða neyta fíkniefna á meðan náminu stendur, því ég færi ekki að fjármagna slíka iðju og þær þyrftu að fjármagna það sjálfar með því að sprikla strípaðar fyrir gamalmenni.

B) Til þess að eyða þeim fordómum sem ansi margir aðilar innan kvenþjóðarinnar hafa gegn þessum listakonum sem úrsúlurnar eru. Ég myndi vilja að dætur mínar sæju að þarna færu konur sem hefðu tekið sínar eigin ákvarðanir og væru þarna af fúsum og frjálsum vilja. Ef mínar dætur vildu taka ákvarðanir eins og það að neyta fíkniefna á meðan námi stendur eða flosna uppúr námi (eins og ég gerði á sínum tíma og sé eftir) þá séu þær velkomnar í félagsskap þessara oftar en ekki gullfallegu kvenna, sem tóku sínar ákvarðanir og lifa með þeim.

 

 

Feministar, þið berið enga virðingu fyrir kynsystrum ykkar ef þið haldið að það besta sem þið getið gert fyrir þær sé að hafa vit fyrir þeim. Ég geri mér grein fyrir því að móðureðlið hlýtur vissulega að vera sterkara í kvendýrum af okkar tegund, sérstaklega þeim sem eiga börn, en þið eruð ekki mæður allra kvenna og því síður allra karla og hafið EKKERT með því að reyna að ala upp fólk sem er ykkur óviðkomandi og ekki að valda neinum skaða.

 

Harðir á strippinu

OK...

...en hvað með okkur hin?

Væri ekki réttast að frítt væri í strætó fyrir alla til þess að:

a) draga meira úr svifryksmengun

b) draga úr koltvíoxíðsmengun

c) eyða bílastæðavandanum

d) auðvelda umferð og minnka einkabílanotkun landans?

 

Kannski er það ekki hagkvæmt að fólk fái frítt í strætó, en erum við ekki búin að borga nóg með sköttunum í verkefni sem er nú þegar borgað með af yfirvöldum (og þar af leiðandi okkur)? 

Farþegum hefur fjölgað um eina milljón á ársgrundvelli

Þessi stúlka...

...þarf aldrei að vera einmana, því hún hefur ávalt móðursystur sína, sjálfa sig, með sér, sama hvert hún fer.

 

En þá er eiginlega kjánalegasti pakkinn að hin börnin tvö eigi sömu hálfsystur og mamma þeirra.

 

Ég get ekki sagt að mér þyki þetta mjög fallegt, en ég vil benda öllum þeim sem aðhyllast Ibrahímsk trúarbrögð (Islam, Kristni, Gyðingdóm) að lesa Lotsbók áður en þeir fordæma, því þar nauðga jú dætur Lots föður sínum dauðadrukknum til þess að kveikja af honum kyn, þar sem enginn maður var eftir sem þær máttu eðla sig með.

Sem betur fer er ég ekki hrifinn af eyðimerkurtrúarbrögðum heldur svo að ég get sagt mína skoðun:

 

ALGER VIBBI. 

Feðgin sem eiga barn saman biðja um skilning

Ja fari það í grástrumpað!

Sem mikill áhugamaður um Írska menningu...

...segi ég good riddance to bad shite.

Þetta lag nær svo líka yfir tvær áttundir og fæstir leikmenn geta sungið þetta.

 

Má ég þá frekar mæla með hressari lögum eins og sjóaraslagaranum 'The Irish Rover' eða drykkjusöngum eins og The rare auld mountaindew, eða jafnvel 'the rare auld times'... sem er jú eftirsjársöngur um Dubh-linn. (sem þýðir jú svartipollur á Ísl.) 

 

Persónulega finnst mér að íslenskir brauðhausar og aðrir sem vilja fagna grænklædda deginum ættu að syngja lag Shanes MacGowan og the Pogues um spilavítið White City í London sem var rifið...

 

Here a tower shinning bright
Once stood gleaming in the night
Where now theres just the rubble
In the hole here the paddies and the frogs
Came to gamble on the dogs
Came to gamble on the dogs not long ago

Oh the torn up ticket stubs
From a hundred thousand mugs
Now washed away with dead dreams in the rain
And the car-parks going up
And theyre pulling down the pubs
And its just another bloody rainy day

Oh sweet city of my dreams
Of speed and skill and schemes
Like Atlantis you just disappeared from view
And the hare upon the wire
Has been burnt upon your pyre
Like the black dog that once raced
Out from trap two

 

 

Á ansi við í miðborg óttans þar sem barirnir eru rifnir fyrir bílastæðahús og kringlur, ekki það að mér sé ekki skítsama um flesta þessa bárujárnskofa, en eigum við ekki bara að drepa gjörsamlega niður skemmtanalífið hérna, sem er andskoti stór túristabeita? 

„Danny Boy“ bannaður á degi heilags Patreks