Jájá...

...veistu, ég held að þetta sé eitthvað mesta bull sem ég hef nokkurntíman heyrt.

 

Hvað í fj**danum erum við að senda strákana okkar þarna suður á ópíumakrana til þess að vernda olíuleiðslur Rússa og BNA? 

 

Hvað eru margir Íslendingar þarna?  10? 20? Efast um það.

Hvernig í fjandanum veit Jaap de Hoop Sheffer að við erum að standa okkur þarna suðurfrá? Ha?

Er hann ekki að sinna starfi sínu og fylgjast með heildarmyndinni? Nei. Hann er upptekinn við að horfa á norræna stráka í tindátaleik.

Bull.

 

Og svo hljómar Japp Hopp Sheffer eins og einhverskonar hundaþjálfunarskjóli.

 

(Ég biðst velvirðingar ef ég hef móðgað einhverja Hollendinga, Flæmingja eða Búa með þessari síðustu setningu). 

Framlag Íslands mikilvægt

Ritskoðun.

Um miðjan 9nda áratug síðustu aldar fóru fram nornaveiðar í bandarísku samfélagi. Stóð nefndin PMRC (Parental Music Resource Center sem samanstóð mestmegnis af eiginkonum þarlenskra stjórnmálamanna)fyrir því að réttað var yfir tónlistarmönnum, þar á meðal Judas Priest, WASP, Frank Zappa og Prince fyrir það að tónlist þeirra innihélt orð, sögur og hugtök sem ekki teljast barnvæn. Héldu þessi samtök því fram að tónlist, sér í lagi pönk, rokk, metall og rapp hefðu leitt af sér meira ofbeldi, aukningu í óléttu unglinga og vildu samtökin kenna tónlistarmönnum um hnignun vestræns siðferðis undanfarna áratugi.Leiddi þetta alltsaman að lokum til þess að forræðishyggjuöflin gerðu sig ennþá meira að fíflum þegar þau fóru að krefjast þess að tónlist yrði bönnuð, sem gengur þvert á fyrsta ákvæði stjórnarskrár BNA. Færri vita að þetta hófst alltsaman þegar Tipper nokkur Gore gekk inn í herbegi dóttur sinnar, Karennu, og heyrði hana hlusta á eftirfylgjandi lag, Darling Nikki með Prince.

Í sífelldum árekstrum í sama bíl...

Mér hefur mikið verið hugsað til þessa lags undanfarna 3-4 daga.

Lag þetta samdi David Bowie um fíkn sína og það að reyna að komast hjá því að gera sömu mistökin í sífellu.

Það merkilega er að þetta lag, sem fjallar um kókaínfíkn, má heimfæra á borgarstjórnmálin, eins auðveldlega og einkalíf margra, en valdfíkn, eins og aðrar fíknir gera það að verkum að maður klessir í sífellu sama bílinn.

Always crashing in the same car. (D. Bowie)

Every chance, every chance that I take
I take it on the road
Those kilometers and the red lights
Never looking left or right
Oh, but I'm always crashing in the same car

Jasmine, I saw you creeping
As I pushed my foot down to the floor
Round and round the hotel garage
Must have been touching close to 94
Oh, but I'm always crashing in the same car

Yeah... 

Nota Bene:

Hver tekur mark á miðaldra poppurum sem lofsama og mæra kommúnisma eina stundina og selja sig alfarið til tryggingafélaga þá næstu...?

Persónulega held ég að frekar væri hægt að gera því í skóna að lélegt skipulag þessara tónleika hafi kristallast í því að allir tilheyrðu ræðumennirnir sama kynþætti og þetta voru tónleikar gegn kynþáttafordómum. (United Whities of Bubbiton?)

Mér þykir það skjóta skökku við að Dane þessi ásaki með öðrum orðum heilan stjórnmálaflokk um kynþáttafordóma og innflytjendahatur þegar slíkar dylgjur koma frá kollektív hugsunarmáta, hjarðhugsun þar sem allir eru settir undir einn hatt, rétt eins og í kynþáttahatri.

Ég er meðlimur í FF og ég er EKKI kynþáttahatari. Mér er illa við fullt af svörtu fólki, mér er líka illa við fullt af hvítum, en mér er illa við þetta fólk á persónulegum basis, ekki vegna litarhafts eða þjóðernis eða flokkatengsla. Yfirleitt er mér illa við fólk sem er þannig þenkjandi að setja stóra hópa fólks undir einn hatt.

 

Það hefur enginn verið að tala um kynþátt í umræðu FF um inflytjendamál. Hinsvegar má fólk gjarnan líta á nágrannalöndin, Danmörku, Bretland og Holland og sjá kynþáttahatrið sem þar grasserar. Það er ekki vegna þess að innflytjendastreymi þar er stjórnað á skynsamlegan máta, nei. Fólki hefur nánast verið boðið að setjast þegar það hefur átt leið hjá.

Löndin sem ég taldi upp bera þó aðra siðferðislega skyldu en Ísland. Ísland er nefnilega gömul nýlenda, en áðurnefnd lönd nýlenduveldi sem stunduðu þrælasölu og kúgun á erlendum ríkjum og væri því ekki siðferðislega stætt á að hleypa nýlenduþegnum sínum ekki inn fyrir landssteinana. Við þurfum ekki að afsaka neitt slíkt í sögu Íslands, nema þá helst þrælahald það sem leiddi til þess að bæði ég og margir aðrir Íslendingar erum rauðskallar. 

Ég verð að segja að þetta er afar ómálefnaleg og barnaleg yfirlýsing frá DM, sem hér sýnir að hann skilur ekki grundvallarorsakir kynþáttahaturs, né skilgreiningu þess.   Mér er sama hvort þú sért bláeygur eða svarteygur, með slétt ljóst hár eða stóran svartan búsk þér á höfði, ég vil hinsvegar að þú berir virðingu fyrir landinu sem hýsir þig og þjóðinni sem það byggir, og fáir verðskuldaða virðingu í mót. Þetta land var byggt af djörfu fólki sem flúði kúgun Noregskonungs (og tóku með sér bláblóðga Íra) og stofnuðu hér eitt fyrsta lýðræðisríki veraldar,  ríki þar sem frelsið á að ríkja.

 

Það vill gleymast að FF er eini flokkurinn sem berst fyrir aðskilnaði ríkis og kirkju, og þar með trúfrelsi í verki hérlendis, sem er eitthvað sem ætti að vera innflytjendum hjartans mál. Það vill gleymast að FF berst fyrir aukinni fræðslu innflytjenda um réttindi og skyldur. Það vill gleymast að FF hefur ekki aðeins hag innfæddra Íslendinga fyrir brjósti, heldur líka aðfluttra.  

 

Það er allt og sumt.

 

E.S: Ef einhver ætlar að kalla mig kynþáttahatara, þá biðst ég undan slíkum aðdróttunum, það eru yfirleitt miklu betri ástæður til þess að vera illa við fólk heldur en að húðin á því passi illa við litapalletuna þína. Dane og Bubbi sanna það hér svo ekki er hægt að efast um að fólk er svo sannarlega fífl. 

 

 

Óánægja með aðkomu frjálslyndra að tónleikum gegn rasisma

Tja...

Ég held að það standi nokkuð skýrum orðum hér til hliðar að ef að slíkt verður tekið upp á Íslandi gríp ég til vopna ásamt mörgum öðrum frelsisunnendum hérlendis.

Þetta er hræðilegt.

 

Ég vona innilega að Dr. R. Williams hafi mismælt sig og sé bara með arfaslakan tónlistarsmekk og hafi verið að mæla með Shakira lögum.

 

Í alvöru talað. Lærðum við ekkert af miðöldum?

 

Það á ekki að leyfa fólki sem á ímyndaða vini í skýjunum að þröngva sínu siðferði yfir aðra, sama hvers lenskir þeir einstaklingar eru. 

Mælir með sjaríalögunum

Tek við tölum...

Erh...? 

Jahá. 

Þó ég sé nú ekki hrifinn af því að menn brjóti eignarréttinn svona svakalega og hóti fólki með ofbeldi þá er náttúrulega spurning hvort að bankarnir hafi ekki verið að fremja á okkur rán í gegnum árin með ósamþykktum gjöldum og fáránlega háum vöxtum...

...en annars hef ég enga trú á því að þessi gutti komist upp með þetta.  Ég skora á alla sem þora að giska á hversu langt það verður áður en hann næst. Skýt sjálfur á að hann gefi sig sjálfur fram í nótt eða verði hirtur í Skuggahverfinu.
Að öllum líkindum kemur í ljós að hann á er að borga glæpamönnum dópskuldir með þessu og þarf því að fremja rán til þess að gullfiskurinn hans verði ekki skorinn á háls af handrukkara með DV fyrirsagnablæti.

 En ég hef verið að velta þessum axarránum fyrir mér.

 Öxi? Í alvöru? Er það allt sem þarf til þess að ræna banka hérlendis? Er ekki öryggisgæsla á staðnum? Vopnuð úða og kylfum etc? Eru virkilega hvergi nógu hugaðir bankastarfsmenn til þess að berja einhvern af þessum aumingjum með  einhverju stærra og lengra, eins og fatahengi, ruslatunnu, slökkvitæki eða peningapoka? 

Um leið og þú losar öxina úr höndum árásarmannsins ertu með óvopnað fífl á miðju gólfinu í staðin fyrir það að vera svona vandræðalega vanmáttugur gegn manni (væntanlega fársjúkum fíkli) sem heldur á einu vopni sem er ekki hægt að hlaða aftur og er rosalega erfitt að verja sig með, hvað þá að berjast á móti 3-4 einstaklingum.

Eru allir gjaldkerarnir stólfastir og öryggisverðirnir börn?

Reyndar skil ég það vel að fólk vilji ekki fórna sér fyrir fyrirtæki sem leggur vexti á fólk sem einstaklingar hafa verið fangelsaðir fyrir að taka af lánum til kunningja sinna, en í hvert einasta skipti sem ég hef unnið við afgreiðslustörf þar sem möguleiki er á því að rán verði framið hef ég hugsað til þess hvað skyldi gera, ég myndi væntanlega ekkert gera við byssu eða öðru skotvopni, en ef einhverjum hálfvitanum dytti til hugar að ráðast á vinnustaðinn minn með öxi... 

Ég ætla nú ekki að vera leiðindapési (jú víst) og segja fólki að það eigi að fórna sér óumbeðið fyrir vinnustað sinn, sérstaklega ef það er einhver banki... 

 

...en djöfulli myndi ég skammast mín ef ég væri rændur með vopni sem er eins kjánalegt og öxi.

Kommon! Þetta þarf að vera illilega kraftmikil öxi og sérstök til þess að þetta sé ekki bara aulalegt, ég meina... var drengstaulinn vopnaður Rimmugýg?

Getum við ekki allavega látið útibússtjóra fá atgeir eða spjót og séð hvort við getum ekki sparað útgjöld til rannsókna þessara mála.

 

Jæja. Var að láta nála mig i vikunni (tattoo.is). Var að bæta á mig þúsund ára gömlum galdrastaf á innrihandlegg vinstri handar. Var næs.

Mæli sterklega með blekblöndun blóðs. Gerir lífið skemmtilegra. 

Vopnað bankarán í Lækjargötu

Léleg fréttamennska.

Persónulega er mér slétt sama um hagi þessarar stúlku þó hún sé ágætis söngkona, en hvað er málið með að kalla hana Dópdís? Hvenær varð MBL gul pressa?

Við höfum öll okkar kosti og galla, afhverju er ekki talað um föðurlandssvikarann Halldór Ásgrímsson, gerræðissinnan Björn Bjarnason og aflapann og karlhatarann Kolbrúnu Haldórsdóttur?

 

Kommon. Ég hélt að blásnepill gamli væri með allavega snefil af ritsjórnarstefnu. 

Winehouse lemur ljósmyndara

Æðislegt.

Nei. Bíddu. Það var ekki orðið.

 

Ég meinti tilgangslaus sóun á skattpeningum og barnaleg kúgun á fólki gagnvart réttindum þeirra til þess að stjórna eigin líkömum.

Þetta gerir hvað að verkum? 

 

Jú. Markaðsverð hækkar og afbrotum í kringum þetta fjölgar.

 

Glæsilegt.

Gott að vita að Lögreglan heldur áfram að skaffa sér meiri vinnu. 

Fundu aðstöðu til framleiðslu fíkniefna

Á dauða mínum átti ég von...

...en hvað liggur undir niðri?

 

Munu menn standa við stóru orðin? 

Bush: Hernámi arabísks lands verður að linna

666

...er ekki tala djöfulsins í opinberunarbókinni, heldur tala dýrsins sem ofast er nefndur and-kristur.

Margir hafa leitt rök að því að þessi tala eigi að tákna páfagarð: 

VICARVS FILII DEII  =  Staðgengill Sonar Guðs. Tökum út þá bókstafi sem ekki tákna tölur.

V  +I +C +V +I + L +I +I +D +I  +I = LCDXVI 

eða

5 +1 +100 +5 +1 +50 +1 +1 +500 +1 +1 = 666

HIC SAPIENTA EST, QVI HABET INTELLECTVM COMPVTET NUMERVM BESTIAE, NVMERUM ENIM HOMINIS SET, ET NVMERUM EJVS SEXCENTI SEXAGINTA SEX... (ef mig misminnir ekki...)

Nú myndu flestir aðdáendur Nietzsche álikta að and-kristur væri hver sá er afneitaði kristi og því þykir mér þetta mál bera númer með rentu, ekki er svo að skilja að ég sé hlynntur geistlegu ríkisvaldi eða sameinaðri kirkju og ríki, nei. Nú er kominn tími fyrir ríkið til að sýna lit og hætta þessu ímyndunarföndri og leyfa trúfélögum að lifa við frjálsa samkeppni.

Ef Þjóðkirkjan á Íslandi er eins máttug og hún heldur fram, ætti hún að lifa það af að ríkið styðji hana ekki, heldur hin fjölmörgu sóknarbörn sem sameinast þar í kristi, ekki satt? Ef mér skjátlast ekki þurfti hvíti kristur ekki á ríkinu að halda til þess að sameina fólkið heldur var það ríkið sem stóð á móti honum og nelgdi hann á kross.

 

 

 

Annars er ég á því að leggja eigi niður öll skipulögð trúarbrögð... 

Djöfulleg kirkjuumræða