Ég ætla að fá eina hjúkku, takk.

Lagið Night Nurse eftir Gregory Isaacs af samnefndri plötu, (en er þekktara í flutningi hjá Einfaldlega Rauðum frá árinu 1988 (af plötunni Blue)) er tilvísun í klámfengna ímynd hjúkrunarfræðinga. Á ekki að banna það lag bara?

I dont want to see no doc
I need attendance from my nurse around the clock
Because there s no prescription for me
Shes the one the only remedy 

Má ég þá frekar segja hvað ég vil heldur en að þurfa að verða fyrir barði ritskoðunarsinna? Þetta er nefnilega buuuull.

Þó að vissulega megi leiða að því rök að stereotýpun starfsstétta hljóti alltaf að vera neikvæð þá eru margar aðrar staðalímyndir sem eru alveg jafn neikvæðar og jafnvel meira niðrandi en klámfengin ímynd hjúkrunarfræðinga. Til að mynda drykkfelldir sjóarar og kokkar etc, óheiðarlegir bifvélavirkjar og bílasalar, bólugrafnir forritarar og heimskar fyrirsætur.

 

Allra átta hafa nú þegar birt aðra mynd á  vefsíðu sinni og í þetta sinn af karlkyns læknum.

Svo ég grípi til feminísks tepruskapar vil ég benda á að þeir ýta undir neikvæðar staðalímyndir af karlmönnum og þá sérstaklega læknum. Maðurinn til hægri heldur um mjaðmir sínar, stelling sem þekkt er úr klámheiminum og virðast allir þessir læknar vera að springa úr greddu og tilbúnir að skoða hvern sem er náið og innilega.

Eins má sjá að læknarnir tveir til hliðar standa í röð, sem er tilvísun í hópreiðar úr klámheimum og ýtir einnig undir þá staðalímynd að læknar séu reiðubúnir til þess að taka  sjúklinga sína í hópreið...

 

 

 

...eða ekki.

 

Hvernig væri nú að fara að einbeita sér að alvöru vandamálum í stað þess að mála skrattann á vegginn?

Kvartað undan auglýsingu

Athugasemdir

[Davíð S. Sigurðsson, 31.5.2008 kl. 17:22]

mér er gjörsamlega ofboðið, hjúkrunafræðingum væri nær að einbeita sér að stöðluðum klámímyndum gagnvart starfstétt sinni frekar en að skæla yfir bágum launakjörum, því þau skipta litlu á meðan efri stéttir samfélagsins hafa það náðugt ;)

[Haraldur Davíðsson, 31.5.2008 kl. 18:16]

jobbidirilijobbidirilijobb.......er það eina sem hægt er að segja.

[Þóra, 1.6.2008 kl. 19:51]

Þetta eru góðar ábendingar hjá þér (líka hjá þér, mister ...). Annars finnst mér allt væl um hlutgervingu kvenna hundleiðinlegt. Dett samt stundum ofaní þann leiða pytt en reyni að krafla mig sem skjótast upp úr honum aftur vegna þess að þar er mikil hætta á því að steindrepast úr leiðindum.

Jenný Anna og jákvinnur hennar fóru mikinn á blogginu út af (kvenna)fegurðarsamkeppninni um daginn, ólundin og dómharkan alveg gegndarlaus. Það eru þesskonar fraukur sem fyrirlíta konur mest allra, því miður. Það væri óskandi að þær hættu að gera lítið úr konum. En svona er að þjást af húmorsleysi.