Góð sjálfsblekking...

...er gulli betri.

Ég hygg að flestir hérna geri sér ekki grein fyrir því að þessir svokölluðu umhverfishippar eru ekki að boða umhverfisvernd heldur and-kapítalisma. Sem er jú alveg gott og blessað eða öllu heldur, væri alveg gott og blessað, ef þeir kæmu fram undir réttum merkjum og reyndu ekki að skemma eignir annarra í sífellu.

Það er nefnilega vandamálið. Þó að það séu mörg góð rök gegn þessum virkjunum og álverum á forsendum andkapítalisma þá eru fá sem engin haldbær umhverfisrök gegn þeim.

Málið er einfaldlega það að ein svona verksmiðja mengar minna hérlendis en hún myndi í Kína eða Chíle. Fjandinn. Það er enginn að hætta að nota tölvur eða farsíma (sem er jú annað sem sama fólk mótmælir, heimsvæðingin, og svo notar það helstu tæki heimsvæðingarinnar, síma og tölvur, sem búa til fullt af úrgangi við framleiðslu), það er enginn að hætta að nota flugvélar, álhlaupahjól, bjórdósir, sjónvörp, bíla, niðursuðudósir utan um tófú og annað eins hippafóður...

...ál er því miður nauðsynlegt í nútímanum. 

Sam vinur minn stakk reyndar upp á sniðugu atriði um daginn. Það væri sniðugt að koma upp stórum ökrum af sólarrafhlöðum í Afríku, í námunda við námurnar þaðan sem mestur Báxíð-Eir (Bauxite Ore) er unninn, þá væri hægt að knýja álver með öruggri og hreinni orku án þess að það þyrfti að flytja Báxíðeirinn á milli landa á stórum mengandi skipum. Mjög sniðugt. En ekki sérlega líklegt á næstu árum og ég er nokkuð viss um að þessi 'illu heimsveldi' sem kommúnistarnir í umhverfisverndargærunum berjast svo ötullega á móti, kæmust upp með ýmis lögbrot þarlendis þar sem verkalýðshreyfingin er sama og engin.

Við getum ályktað að ólíklegt sé á næstu áratugum að hrein orka verði beisluð í þriðja heiminum, hvar erfitt er að komast yfir hreint drykkjarvatn og mikil fátækt ríkir. Þá getum við leitt það að líkum að þessir ágætu þriðjaheimsbúar sem annars ynnu við álver, (svo hipparnir og hræsnararnir þurfi ekki að sjá iðnað hérlendis) ynnu við álver sem væri knúið af kolum eða olíu, sem er hvort tveggja margfalt viðurstyggilegri og óhreinni orka en fallvatnsvirkjanirnar okkar, sem Björk, Ólöf Arnalds og tjúhúararnir í Sigur Rós voru svo upptekin við að segja óhreinar og mengandi á tónleikunum um daginn. Ég skrifaði grein um það þá helgi.

Persónulega finnst mér það sérstaklega athugavert við þetta fyrirkomulag fyrir austan að erlendum fyrirtækjum sé beinlínis gefin orkan okkar, en það breytir því ekki að frændur mínir á austurlandi eru ekki lengur atvinnulausir og eignir þeirra eru allt í einu virði einhvers annars en sárra minninga.

 

Við á Íslandi búum við ótrúleg skilyrði.

Hér er hlýrra en víðast hvar á sömu breiddargráðu um heiminn. Hér er ógrynni ferskvatns úr bergi og fallvatna úr hverju fjalli. Hér er menntun með því besta sem við þekkjum um heiminn. Hér eru verkalýðshreyfingarnar talsvert sterkari en í Congó og því ólíklegt að farið yrði með íslenska verkamenn eins og druslur, nema þegar um sjávarútveg er að ræða og þrjótarnir tveir Davíð og Dóri eru með í spilinu...

Ég hygg því að álver á Íslandi séu ekki aðeins þjóðhagslega hagkvæm hedur líka umhverfisvænni og mannvænni kostur en víðast annarstaðar.

Hverju er þá verið að mótmæla?

 

 

Jú.

 

Kapítalismanum.

Það væri nú gaman ef þessir huglausu hippar stigu nú fram fyrir það sem þeir standa í raun, í stað þess að skreyta sig stolnum fjöðrum umhverfisverndar.

Ég minnist þess nefnilega ekki að Kína, SSSR, Kórea, Kúba eða Víet-Nam séu/hafi verið  sérstaklega mengunarlaus lönd...

...munið þið það? 

Saving Iceland með aðgerðabúðir

Ranghugmyndir

Willjálmur Smiðs er nú ekkert einsdæmi í þessum málum.

En hann er hinsvegar gott dæmi um mann með ranghugmyndir.

Sjáið til. Hann tilheyrir (víst ekki, síðari tíma ábending) hinum svokölluða Scientology söfnuði, sem hefur á Íslandi verið nefndur hinu agalega rangnefni 'Vísindakirkjan'. En það er svosum allt í lagi því  Scientology er líka rangnefni. Scienta þýðir nefnilega vitneskja/kunnátta/þekking á Latínu og logy er dregið af gíska oðinu logos (λογος) sem þýðir rökhyggja/innri vitneskja. Svo ef við lítum á ástkæra ilhýra má sjá að þetta er hvorki vísindalegt né kirkja í þeirri merkingu sem germönskumælandi þjóðir setja í það kirkja/kirche/kerk/kirke = kristilegt guðshús/söfnuður.  En það er nú reyndar alltaf öruggt að um öfugmæli er að ræða þegar er talað um kirkju og vísindi í sömu andrá sem góðan samnefnara.

Willi telur sig aldrei hafa rangt fyrir sér, ef marka má orð Jödu, konu hans. Það er nú svosem allt í lagi, maðurinn er jú eftir allt trúaður og eins og allir vita er það villutrú þegar maður breytir trúarbrögðum.

Skemmtilegt við þessa ágætu trú sem hafnar sálfræðingum algjörlega. Þeir trúa því eimmitt að mennirnir séu samlífisverur drauga geimvera sem illi geimstríðsherrann Xenu myrti í eldfjöllum Hawaii og þær sálir/draugar hafi sest í sálarlausa apa sem frá því urðu menn. Mennirnir innihalda svo ýmist lítið eða gífurlegt magn þessara sálna  eða 'Thetans' eins og Lafayette Ron Hubbard kallaði þá. 

Willa er hérna borin slöpp sagan af kjetlingunni hans. En til þess að láta þennan afburðaslappa og afburðahallærislega mann (hann er ekki tónlistarmaður, það er engin list í óhljóðum hans og það er varla hægt að kalla hann leikara ef maður hefur séð hann í bíómynd) líta aðeins betur út, þá er ég með lista af öðru fólki sem telur sig aldrei hafa rangt fyrir sér:

 

Benediktus XVI (Joseph Ratzinger)

Dalaii Lama (Tenzing Gyatso)

Ayatollah al Uzma (Naser Makarem Shirazi and Hossein Noori Hamedan)

Móðir Theresa (Agnes Gonxha Bojaxhiu)

Adolph Hitler

Benito Mussolini

Enver Hoxha 

Joseph Stalin (Djúgasvílí)

Pol Pot

Idi Amin

Robert Mugabe

Maó Tse Túng

og...

 

 

...J. Einar V. Bjarnason Maack, þó mér gæti skjátlast með þann síðastnefnda.

 

En það er þó gott að Willi Smiðs er ekki eina fíflið í heiminum.

Tók einhver annar eftir því að einu fíflin sem þorðu að koma undir réttu nafni voru kommúnistar og fasistar? 

Passið ykkur á dogmatískri trú elskurnar mínar, þið gætuð hætt að þróast. 

Will Smith telur sig alltaf hafa rétt fyrir sér

Hjúkk. Það er eins gott.

Því annars gætu unglingar farið að stunda öruggt kynlíf, smittilfellum kynsjúkdóma fækkað, færri unglingsstúlkur orðið óléttar fyrir aldur fram, færri óvelkomin börn komið í heiminn og félagslegum og heilbrigðislegum vandamálum þarlendis fækkað.

Er þetta forsvaranlegt í landi eins og Ástralíu þar sem málfrelsi, trúfrelsi og rétturinn til þess að mótmæla eru til staðar í stjórnarskrá landsins og í sáttmálum sem það tilheyrir sbr Mannréttindasáttmála SÞ?

Það að leyfa einhverju fífli sem heldur því fram að hann sé málsvari einhvers löngu látins trésmiðs frá miðausturlöndum að vaða uppi með dólgslæti og dónaskap og troða sínum siðferðisgildum uppá fólk í frjálsu landi ætti ekki að vera afsakanlegt.

Ef sá trúarleiðtogi sem hér um ræðir væri Ayatollah en ekki Páfi, væri máliinu ekki öðruvísi háttað?

Á að leyfa yfirgang trúaðra framyfir þá sem eru að reyna að gera eitthvað gott í heiminum?

 

Áður en einhver jónvalsins kaþólikki eða annar eins ranghugmyndapési kommentar hérna með kjaft vil ég benda á að:

a) það er asnalegt að fylgja siðferðisreglum siðlausrar stofnunnar eins og Kaþólsku Kirkjunnar (sem þaggar nauðganir a börnum). 

b) það er ennþá asnalegra að fylgja kynferðislegum siðferðisreglum manna sem þykjast hreinlífir og  aldrei hafa stundað kynlíf.

c) það horfði öðruvísi uppá málin með fóstureyðingar ef dætrum ykkar væri nauðgað, ekki satt?

d) trúarstofnanir sem berjast á móti smokkanotkun bera beinlínis ábyrgð á örkumli, dauða og þjáningu milljóna manna sem ekki nota smokkinn.  

 

 

Engir smokkar

Kvöldtónleikarnir eru aldrei ókeypis.

Enda var þrusað lygum og áróðri yfir fólk í gær.

Ég fylgdist með tónleikunum, en ákvað þó að fara áður en Björk okkar Guðmundsdóttir fór á svið.

Ég var búinn að fá nóg af bulli.

Það var meðal annars gefin út sú tilkynning að Ísland væri undir árás stórfyrirtækja á álmarkaði og að ár og háhitasvæði væru aðal skotmörkin.

Gott og blessað, en þetta snýst meira um andkapítalisma en umhverfið. Það eru til mörg góð rök fyrir andkapítalisma, en umhverfið er ekki eitt af þeim.

Það var gefin út sú yfirlýsing að háhita og fallvatnsvirkjanir gætu verið mjög skaðlegar lofthjúpnum, en hvað er svosum ekki skaðlegt? Viðrekstur kúa mengar meira en fallvatnsvirkjanir og ég skil ekki hvernig það sé umhverfinu minna skaðlegt að halda tónleika á SVIÐI SEM GERT ER ÚR ÁLI!

 

Svo var þarna risasjónvarpsskjár, sem var flottur. Það kostaði samt umhverfið örugglega 2 tonn af úrgangi að framleiða hann.
Eins var fullt af hljóðfærum og svoleiðis þarna úr áli, næstum allar græjurnar sem byrjunarbandið notaði og trommusettið hans vinar hennar Ólafar Arnalds voru öll úr hráefnum sem eru unnin með námavinnslu...

 

...Meðaldagur hjá stórfyrirtæki var álíka mengandi og þessir hræsnaratónleikar.

 

En.

Tónlistin var ágæt, mér fannst tónlist þeirra Radium fín þrátt fyrir að hljóma eins og einhver væri að limlesta hnýsu, ég þoli ekki krútt svo ég ætla ekki að segja neitt um Ólöfu Arnalds, Sigur Rós stóðu sig eins og hetjur og voru ekkert að bulla um umhverfið milli laga, heldur gerðu það sem þeir gera best, tónlist og Björk...

...ég sá hana ekki, mér var orðið alltof kalt og kominn með leið á hippismanum, svo ég fór.

En takk fyrir góða tónleika í skjóli stjórnmálaáróðurs. 

 

30 þúsund manns á tónleikum

Nú skal dansað umhverfis umhverfisjólatré...

Ég er að spá í að skella mér á þessa títtumræddu náttúrutónleika Bjarkar og Sigur Rósar núna eftir smá stund.

Ég vildi samt gjarnan fá að vita hversu mikið þessir tónleikar menga - því jú mikið af tölvum, rafbúnaði, mixerborðum og hljóðfærum hverskonar innihalda ál.

Það þarf að keyra þetta með raforku sem kemur úr virkjunum.

Það flugu 600 manns frá BNA hingað til þess að taka þátt í húllumhæinu, ég hef ekki hugmynd um hversu margir komu frá Evrópu.

Það vill líka gleymast að mennirnir eru partur af náttúrunni. Við erum dýr og okkar umhverfi er náttúrulegt, þó það sé búið að eiga við það. Myndi einhver segja að geitungur, maur eða býfluga í búi væri ekki á náttúrulegum slóðum? Mennirnir eru jú líka dýr og byggja talsvert stórar mauraþúfur. Hver verða áhrifin af þessum tugþúsundum einstaklinga sem ætla að fara í Laugardalinn á eftir. Hvað mun þetta fólk skilja eftir sig mikið af rusli, í okkar nánustu náttúru?

Ég held að fólk átti sig ekkert á því hvað það er að segja stundum. Sömu hippakjánarnir og væla yfir virkjunum og slíku mæla yfirleitt á móti heimsvæðingunni, en nota samt tölvur og síma sem eru partur af heimsvæðingunni. (Framleiðsla á einni fartölvu skilar af sér 75 kg af úrgangi, farsíma 15 kg. Borðtölva 125kg... mikið af drasli!)  Ég nýt þess reyndar mjög að benda á að minn umhverfisvæni fararskjóti (hlaupahjól) er gerður úr áli... en það má liggja á milli hluta.

Ég veit það fyrir víst að hver einn og einasti einstaklingur sem stendur að þessum tónleikum hefur drukkið gosdrykki eða öl úr áldósum og kemur til með að gera  það aftur. Sömu einstaklingar fljúga í álflugvélum sem skilja eftir sig haug af koltvísýringi...

...þetta heitir nefnilega hræsni og sjálfshól. Klappað á eigin bak í nafni náttúrunnar.

 

 

Ég vil frekar álver á Reyðarfirði þar sem frændur mínir geta starfað í vel launuðu starfi (sem er ólíklegt að ríkisstjórnin fökki upp eins og þeir gerðu með sjávarútveginn) sem knúið er af tiltölulega hreinni orku frá Kárahnjúkum, í stað þess að slíkt álver rísi í Suður Ameríku, Kína eða á Indlandi þar sem það yrði knúið með kolum eða olíu og ennþá meiri koltvísýringi sleppt í andrúmsloftið.

Það heitir að hugsa glóbalt og framkvæma lókalt. Það kostar meiri orku að endurvinna en framleiða nýtt. Sorry, þannig er það bara. Annars væri endurvinnsla reglan og enginn að framleiða ál!

En það er ekki skilningurinn á málinu í þessum bransa. Þetta hefur nefnilega jafn mikið með alvöru umhverfisvernd að gera og nærbuxurnar mínar koma kúgun kvenna í Miðausturlöndum við. Þetta er boðun á sósíalisma í nafni umhverfisverndar. Þetta er boðun á and- kapítalisma.

Allt í lagi. Fólk má hafa slíkar skoðanir og það er mér ekkert vandamál, en fökk...

...berið nú alvöru rök fyrir máli ykkar í stað þess að skreyta ykkur blómum og álfastimplum og flúra mál ykkar einhverjum dómsdagsspám ef ekki er skorin upp herör gegn kapítalisma og iðnaði.

 

Heimurinn verður ekki hreinni þó þú sjáir aldrei rusl - þú þarft að gera eitthvað í málunum. 

Í tilefni Flöskudags.

 

Eigiði nú góða helgi elskurnar! 

Æji... já... sleppið því bara.

Hvað er langt síðan Rúmenarnir þarna drápu veika manneskju með særingum... viljum við slíkt hér?

 

Ég held ekki.

 

Kemst samt ekki hjá því að hugsa um þennan skeðs: 

Enginn særingamaður hér

Málfrelsishetja fallin frá.

Það var fyrir um 45 árum eða svo þegar grínisti nokkur, Lenny Bruce að nafni, var handtekinn fyrir dónaskap á sviði og lögreglan tók að yfirheyra viðstadda.

Ungur maður neitaði að gefa upp skilríki og sagðist ekki trúa á slíkt. Fyrir það var hann handtekinn og leiddur í sama bíl og keyrði Bruce í burtu.

Sá maður hét George Carlin, sem barðist alla tíð frá þessu atviki, hvar hann varð fyrir barðinu á sjálfskipuðum siðferðispostulum, fyrir málfrelsinu og frelsi einstaklingsins, með hárbeittu gríni sem hefur meiri mátt en nokkur byssa.

There are 400,000 words in the English language, and there are 7 you can't say on television. What a ratio that is! 399,993...to 7. They must really be baaaad. They must be OUTRAGEOUS to be separated from a group that large. "All of you words over here, you seven....baaaad words". That's what they told us, right? "That's a bad word!!" Awwww. No bad words. Bad thoughts. Bad intentions, and wooooords. You know the seven, don't ya? That you can't say on TV? Shit, piss, fuck, cunt, cocksucker, motherfucker and tits. Huh? Those are the heavy seven. Those are the words that'll infect your soul, curve your spine, and keep the country from winning the war. Shit, piss, fuck, cunt, cocksucker, motherfucker and tits, wow! And tits doesn't even belong on the list! It seems like such a friendly word. Sounds like a nickname. "Hey Tits, come here man! Tits! Meet my friend Toots. Toots, Tits. Tits, Toots". Sounds like a snack...oh yeah, it is. Right. But I don't mean your sexist snack, I mean new Nabisco Tits. Corn Tits n' Sesame Tits n' Cheese Tits.....Tater Tits. Bet you can't eat just one!!

 

Grínistinn George Carlin er látinn

Réttlátir dómar...

...yfir slíkum skrímslum eru vandfundnir.

Hvað skal gera í þessum málum? Láta dólgslega fornaldarsiði vaða yfir einstaklings og kynfrelsið sem hinn vestræni nútímaheimur á að búa við?

Réttarmorð, barnanauðganir, umskurður (stúlkna og drengja) og sæmdarhefndir með sýruböðum eru kúgun gagnvart konum (og drengjum í tilfelli umskurðar þeirra) sem á ekki að leyfa á vesturlöndum, þessi fyrri dómur var því skammarlegur og réttmætt að hnekkja honum.

Þegar menn fara eftir fornaldarlögum, hvort sem það eru Móselög eða Sharyalög, lög ættbálka eða trúarhópa, mega þau lög ekki ganga yfir nútímalög og almenn mannréttindi.

Stúlkan sem hér um ræðir er barn, og þó að rök megi bera fyrir því að þeim yngstu í þessum hóp sem hér ræðir skuli bera aldur þeirra til refsilækkunar, þá afsakar ekkert þá sem komnir eru á aldur.
Hér er ekki hægt að segja að menn sem slíka gjörninga láta frá sér geti talist komnir til vits þó vissulega séu þeir komnir til ára í öllum eðlilegum skilningi.

Stúlka þessi, sem er 10 ára gömul, er samkvæmt öllum mannréttindasáttmálum og almennum lögum í vestrænum ríkjum, einkaeigandi á sínum líkama, en ekki forráðamaður, hennar viðkvæmustu staðir og tilfinningar eru hennar eigin og þessir menn gengu á það frelsi hennar að haga líkama sínum að vild, og ekkert 10 ára barn leitar eftir kynlífi við næstum heilt fótboltalið.

Þetta er því hópofbeldi - kúgun gegn kynfrelsi ólögráða einstaklings, stuldur á sakleysi, innbrot á einkasvæði þessa barns. Þessi glæpur jafnast á við sálarmorð og ætti því að teljast sem slíkt.

Þó margir hrópi á dauðarefsingu, þá get ég ekki verið, prinsippsins vegna, hlynntur slíkri refsingu. Ég er á móti því að ríkið fái leyfi til þess að taka líf, frekar en einstaklingar fái slíkt leyfi, þó vissulega væri ljóðrænt réttlæti í því að stúlka þessi fengi að hálshöggva þessa menn, en þá væri verið að gera hana að morðingja í ofanálag, og þá er spurning um hvort það væri ekki jafn alvarlegur glæpur.

Þegar dauðarefsing er leyfileg og ríkið dæmir menn til dauða, þá er alltaf hættan á því að  saklausir menn séu dæmdir að ósekju. Þá væri verið að fremja morð í okkar nafni, þá værum við öll, sem eigum og tilheyrum þessu ríki, morðingjar.

 

Ég vil heldur að ljóðrænt réttlæti fái að ríkja og þessir menn fái aldrei að gleyma þessum glæp og hvað þeir gerðu, svo lengi sem þeir lifa.

Ég vil þessa menn hlekkjaða þungum keðjum í djúpum námagöngum grjótnám þar sem þeim væri þrælað út 16 tíma á dag - að frátöldum tveimur 15 mínútna matartímum þar sem þeir fengju leiðinlega og kléna þó holla fæðu, svo svíðingarnir megi í svörtu myrkri námunnar sjá andlit þessarar stúlku allstaðar á meðan þeir þræla og sjá aldrei dagsljós framar, þar til þeir falla öreindir í ómegin.

 

Stúlka þessi mun aldrei gleyma þeirri svívirðingu og því ofbeldi sem hún var beitt.
Látum þá ekki gleyma - og leyfum þeim ekki að fá auðveldu leiðina út - dauðann.



PS: Þetta gildir fyrir alla þá sem í nafni hefða eða guðs myrða, nauðga og misþyrma. Þetta gildir fyrir hvern þann sem misnotar börn. Þetta gildir fyrir hvern þann sem gengur á þennan máta á frelsi annars - frelsið til þess að lifa, vera heilbrigð og ráða eigin lífi og líkama. Ekki fyrirgera rétti þínum á dagsljósi.

Vægur dómur yfir hópnauðgurum vakti mikla reiði

Mikið ELSKA ég frændur mína, Íra.

Það hentar ekki nokkurri þjóð sem vill viðhalda frelsi sínu að vera undir heimsveldi fjórða ríkisins.

 

Þetta vilja allskonar bjálfar hérlendis sem hafa keypt þann einhliða Quislingaáróður sem fjölmiðlar hafa haldið hér úti.

Ég minni ennfremur á eftirfarandi klausu úr Almennum Hegningarlögum:

“Almenn hegningarlög 1940 nr. 19 12. febrúar
X. kafli. Landráð.
V. 86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

Írsk kosning áfall fyrir ESB