Úlfur! Úlfur! ...

...hrópaði óupplýstur múgurinn þegar fórnarlambið lést.

Eiturlyf!

Vændi!

Stóriðja!

Loks þögnuðu raddirnar þegar hinn sorglegi veruleiki tók af sér grímuna.

 

Hver hefur ekki hlaupið eigin apríl, fylgjandi eigin fordómum og fávisku?

 

Víðsýnar er þörf, hverjum þeim sem nútímann ratar og knýr sinna verka á vit, líka á vefnum. Enginn  veit söguna alla fyrr en öll kurl eru komin til grafar, sem þau nú eru.

 

Varist hleypidóma, það er ávalt sárt þegar eigin niðurlæging er runnin undan sjálfs síns ranni.

Árásarmaðurinn svipti sig lífi; fannst látinn á Þingvöllum

Athugasemdir

[Sigurbjörg Sigurðardóttir, 29.7.2007 kl. 16:55]

Satt seigirðu,eg las bloggið,frá fregninni og er enþá hissa, fólk er allt of fljótt að skrifa og gubbar niður alskonar vittleisu.

[Halla Rut , 29.7.2007 kl. 23:01]

Já fólk er of fljótt á sér það eitt er víst. Þetta var svo áberandi og óskipulagt að tilfinningar hlutu að vera í málinu. Engin skal dæma fyrr en sannleikurinn liggur fyrir.

[Ásthildur Cesil Þórðardóttir, 30.7.2007 kl. 08:12]

Ég er ekki alveg að skilja hvar var svona fordómafullt með að álíta að hér væri um fíkniefnaárás að ræða.  Það lá beinast við að álíta sem svo.  En ef til vill eru fordómarnir líka í brjóstum þeirra sem hrópa um fordóma.  Ég til dæmis, taldi að þarna væri um slíkan atburð að ræða.  En það var kerfið og aðbúnaður þeirra sem lenda í klóm fíknarinnar sem ég var reið út í.  Kerfið hefur brugðist fólki.  Og við verðum að knýja á um að fólk sem hefur ánetjast fái viðeigandi meðferðarúrræði.  Eins og til dæmis lokaða meðferðarstofnun.  Morð er morð, af hvaða hvötum sem það er gert.  Sorglegur atburður, sama hver ástæðan er.  Það er málið.  Alveg jafn sárt fyrir viðkomandi.

[J. Einar Valur Bjarnason Maack , 30.7.2007 kl. 08:37]

Ásthildur mín, eðli málsins samkvæmt eru það for-dómar, að dæma fyrirfram og finna niðurstöðu sem runnin er undan eigin skoðunum áður en öll málsatvik eru kunn. Þetta er skýrasta myndin af fordómum.

Ég þekki marga fíkla og fæstir þeirra myndu nokkurn tíman skerða hár á höfði annarrar manneskju. Ef þú skiptir út orðunum fíkniefni fyrir 'gyðingdómur' og fíklar fyrir 'gyðingar' myndi það blasa við þér hversu fordómafullt þetta í raun er.

Máské að ég sé fordómafullur að sjá nektina í gegn um nýju fötin keisarans, en ég er bara að segja með hvaða sýn ég sé þetta mál.

[björn (IP-tala skráð) 30.7.2007 kl. 12:17]

Ásthildur það er betra að hugsa svona hluti bara.. Allavegana þangað til annað kemur í ljós.

[Ásthildur Cesil Þórðardóttir, 1.8.2007 kl. 08:56]

Þú ert að hugsa um fíkla of þröngt minn kæri.  Þegar ég tala um þennan heim sem kallaður er undirheimar, þá á ég við miklu meira en fíkilinn á götunni, fyrir mér eru þeir fórnarlömb.  Ég þekki nokkra slíka, og suma mjög náið.  En það er önnur veröld sem blasir við þarna, veröld ofbeldis og morða.  En það eru aðilar sem stjórna þessum andskota og skipuleggja hann.  Hinn almenni fíkill á götunni er þar líka í hlutverki fórnarlambsins.  Glæpamennirnir eru óséðir og ófundnir af því að öll áhersla beinist að því að einelta þá sem eru fastir í netinu.   Þannir er nú það.

[J. Einar Valur Bjarnason Maack , 3.8.2007 kl. 15:52]

Já, og því verður fólk að fara að líta málin öðrum augum. Það þýðir ekkert að vera að starta stríði gegn eiturlyfjum með því að vopna löggæsluna meira, það eina sem virkar er að taka peninginn frá þeim sem eru að stjórna og skipuleggja, og það er aðeins hægt með því að lögleiða.