Hmmm...

...ætli þessi gæi sé eitthvað skildur mér?

Gæti alveg séð sjálfan mig missa mig vegna svona tafa, þó þær eigi að vera í hag almennings eru þær að bitna á röngum aðilum.

Hvað ef þarf að flytja slasað eða mikið veikt fólk á spítala?
Hvað ef einhver þyrfti að fara með mikið veikt barn uppá bráðamóttöku?

Á það bara að vera rólegt og hinkra með það þangað til að vörubílsstjórarnir eru búnir að þvælast fyrir þeim sem síst skyldi?

 

Missti stjórn á skapi sínu

Ég vil tileinka þetta myndband...

...Karli Sigurbjörnssyni, Birni Bjarnasyni Gunnari Þorsteinssyni í Krossinum, Snorra í Betel, Jóni Val Jenssyni og öllum þeim sem telja að Íslendingar séu Kristin þjóð og vilja setja Kristin íhaldslög í ætt við Sharyalög, sem eru aðeins til hægri við Genghis Khan.* 

 

 

 

*Meirihluti Íslendinga eru Kristnir á einhvern máta eða telja sig til Kristinna. Hinsvegar er óhæfa að segja að Íslendingar séu Kristin þjóð, því þá eru þeir sem ekki eru Kristnir ekki Íslendingar. Því var Ingólfur Arnarson ekki Íslendingur smkv. Birni Bjarnasyni og Karli Sigurbjörnssyni.


Núna er það bara málið að finna jafn gott myndband um Íslam, sem sökkar alveg jafn mikið.

Fyrir nokkrum árum...

...var ég á námskeiði í grafískri uppsetningu.

Þá var farið í heimsókn til mbl.is og þeir kepptust við að fræða okkur um að þeir væru alltaf fyrstir með fréttirnar.

 

Nú er þetta búið að vera vitað af öllum bloggheimum síðan síðastliðinn fimmtudag...

...alltaf fyrstir með fréttirnar strákar!?!

 

Annars skil ég ekki þetta 'særandi' hugtak.

Mér þykir til að mynda mikið af því sem kemur fram í umræðu öfgafeminista særandi fyrir karlmenn yfir höfuð, en mér dytti ekki í hug að væla yfir því.

Mér þykir flest allt sem öfgatrúarpésar (sem ég hika núna við að nefna á nafn sökum þess að ég gæti verið krossfestur fyrir slíkan verknað) sem hampa páfagarði og segja alla þá sem fara ekki eftir pápískum reglum illa innrætta einstaklinga sem munu brenna í helvíti, mjög særandi fyrir alla þá sem eru ekki þrælar Páfagarðs, þar með mig og mína fjölskyldu. Ekki ætla ég að fara að gráta, sökum þess að ég virði málfrelsið og rétt þessara vanvita, rétt eins og annara, til þess að hafa sínar skoðanir.

Mér þykja margir hérna inni dónar, hálfvitar, hálfbakaðir laumufasistar og fífl, en ég ætla ekki að fara að væla yfir því.

Hví?

 

Jú. Því það að búa við frelsi er að taka á sig, ekki aðeins ábyrgð á eigin gjörðum og orðum, heldur líka að taka á sig umburðarlyndi gagnvart skoðunum annarra.

Ég umber þá skoðun öfgasinnaðra múslima að konur eigi að vera í búrkum, en þar sem ég er aðdáandi kvenna vil ég frekar sjá konurnar en tjöldin. Ég umber þá skoðun öfgakristinna manna að hommar og lesbíur séu ekki Jéhóva þóknanleg og brenni í Helvíti, en ég er raunsæjismaður og geri mér grein fyrir því að það er ekkert til sem heitir Jéhóví eða Helvíti og hlæ því bara að svona heimskulegum skoðunum.

Hinsvegar er það svo þegar fólk er farið að beita ofbeldi eins og hin fjölmörgu dæmi utanúr heimi sýna, með bæði múslima, kristna, kommúnista, fasista og... alskonar kreddupakk, að þegar slíkt fólk er farið að brjóta á réttindum annara til friðhelgis, frelsis, ákvörðunarréttar yfir eigin líkama og eigum og tjáningar þá erum við komin á hættulegar slóðir.

Viljum við leyfa ofbeldi í skjóli trúar? Ég er ekki að tala um nein trúarbrögð sérstaklega, en á meðal dýrkenda guðs Abrahams hafa fundist fjölmörg dæmi um ofbeldi undanfarin ár.

Viljum við sæmdarmorð á Íslandi?

Viljum við að það sé löglegt að berja homma á Íslandi?

Ég er á móti trúarfasisma.
Mér er sama hvort hann kemur frá Færeyjum eða Íran.

Og særandi er afstætt hugtak. Ég skil ekki hversvegna stórir hópar fólks eiga að móðgast yfir skrifum eins til tveggja einstaklinga. Ég myndi skilja þetta ef um einstakling væri að ræða, sbr gæti ég séð Egil Helgason móðgast yfir því sem ég skrifaði um hann í síðustu viku, en ég held að hann sé ekki að fara að krefjast þess að ég loki blogginu mínu vegna skoðanna minna á skoðunum hans á Bréfum til Láru.

Við lifum í frjálsu landi og það verða trúarfasistar af öllum tegundum að sætta sig við.

Sorry, það er bara svo.

Og munið svo börnin góð að óvinir óvina okkar eru ekki alltaf vinir okkar. 

Óánægja með lokun umdeilds bloggs