Kúlinu fórnað fyrir hópsálahylli.

Ég var að horfa á þetta.

Eiríkur 'Rauði' Hauksson hefur nú misst 95% virðingarinnar sem ég hef ætið borið fyrir honum, en hann litaði hár sitt dökkt fyrir þetta myndband, og ég sver hann algjörlega af mér ef hann heldur þessum forljóta, moldarbrúna, alltof algenga lit og nær ekki aftur í eirrauðan makkan sem löngum hefur prýtt hann og haldið ljónslegu fasi hans á lofti.

Nei Eiki minn. Svona gerum við rauðhærðir ekki, ekki nema máské á meðan gelgjuskeiði stendur og menn halda sig hafa eitthvað til þess að skammast sín fyrir.

Nei Eiki minn, núna er fokið í flest skjól þegar framvörður rauðhærðra, sómi okkar, sverð og skjöldur hefur gengið til liðs við þá molbúa sem líta allir eins út og hafa ekki úr karótíni að moða í litarefnavali.

Fuss.

Ég sem ætlaði nú einusinni, aldrei eins og vant, að fylgjast með júróvísjón þetta árið.

Athugasemdir

[Ingvar Valgeirsson, 14.3.2007 kl. 14:33]

Þetta er einkar vont júrómúv hjá honum. Aðeins 4% mannkyns eru (b)rauðhærðir, en 12% vinningshafa í Júró hafa verið fagurrauðmakkaðir gegnum tíðina.

Þessi litun verður að teljast svolítið klaufaleg hjá okkur, en breytir ekki því að Eiríkur er enn gríðarkúl, mjög næs drengur og einn besti söngvari þjóðarinnar.

[arnar valgeirsson, 14.3.2007 kl. 22:45]

Mér fannst þetta nú bara kúl myndband og það var kallt og drungalegt og lítið júrólegt. hjúkk. En að koma fram undir nafninu Big red hlýtur nú bara að gleðja einhverja, ha. Mér finnst þetta lítið svindl og hið eirrauða hár fýkur yfir hæðir sviðs í Helsinki þann tíunda mai - og vonandi þann tólfta líka. Annars er ívið mikilvægara að við vinnum kosningarnar hér heima þann tólfta en júró, þó það væri bónus.

[J. Einar Valur Bjarnason Maack , 15.3.2007 kl. 11:40]

Eins og einverjir sögðu:

Það er sama hvern þú kýst, ríkisvaldið vinnur alltaf.