En...

...afhverju verzlar þessi keðja við BNA menn? BNA veiða margfalt meiri hval en Íslendinga nokkurntíman. Svo ekki sé talað um allt fólkið sem BNA slátrar á heildsölukjörum um allan heim.

 

Til hvers að vera að púkka uppá þessa kúkalabba?

Hætta að kynna íslenskar vörur

Stöðvaði rán í 10-11.

Hérna

Vegna stigmagnandi ofbeldis:

Ákvað ég að opna fyrir moggablogg mitt þrátt fyrir misskilning þeirra gagnvart ritun nafns míns í þeim eina tilgangi að koma þessari færslu minni til skila.

 

Athygliverðir tímar. (Hlekkur leiðir á 'Orninn.org')

 

Ég mun halda áfram að birta hlekki á greinar hér. En ég mun ekkert rita hér sem telst til beins bloggs framar.

 

Kv.

Einar V. Bj. Maack

 

Táragasi beitt á Austurvelli

Meðvituð ákvörðun

Í ljósi þess að hvorki MBL né Blog.is liðar hafa svarað mér hef ég tekið þá ákvörðun að hætta moggabloggi.

Ég mun setja upp blogg á komandi vikum á orninn.org og einbeita mér að þeim vef.

 

Ég mun mjög sennilega hafa slík að bjóða fyrir valda einstaklinga, hafir þú áhuga á að yfirgefa blog.is getur þú haft samband við mig og við sjáum til.

 

Fari moggabloggið í fúlan pytt og ritskoðunarsinnar með þeim.

 

kv.

 

Einar V. Bj. Maack

Breyting á Moggablogginu. Opið bréf til stjórnar mbl.is

Já. Moggabloggið er aldeilis að verða skemmtilegur vettvangur fyrir almenn skoðanaskipti.

Ég má víst ekki blogga lengur um fréttir þar sem ég og Þjóðskrá erum ekki sammála um hvernig nafn mitt skuli ritað. Mér barst því þetta skeyti frá blog.is:

 

Nafnið sem þú gefur upp á blogginu þínu er ekki það sem sama og skráð er í Þjóðskrá. Í henni er skráð nafnið Einar Valur Maack Bjarnason. Vegna þeirra breytinga sem fyrirhugaðar eru um áramótin á blog.is getur þú því ekki bloggað um fréttir mbl.is nema að þetta nafn sé birt sem nafn ábyrgðarmanns á blogginu þínu. Auk þess birtast bloggfærslur ekki á forsíðu blog.is nema nafnið sér birt.

Ef ábyrgðarmaður er birtur, má sjá hann með því að smella á mynd af höfundi, sem alla jafna má finna í dálkinum Um höfundinn á bloggi viðkomandi.

Ábyrgðarmann má einnig birta og fela að vild efst á síðunni Stjórnborð --> Stillingar --> Um höfund.

 

Ég er vissulega skráður svona í Þjóðskrá. Ég er eini Maackarinn á Íslandi sem heitir Einar og er á lífi, án þess að heita Viggó líka. Ég er jafnframt sá eini sem heitir Einar Valur og er Bjarnason á mínum aldri. Hinir tveir sem bera þessi þrjú nöfn eru fæddir 1932 og 2008 og því ætti ekki að vera erfitt að álykta að ég væri eini af þeim sem bera þessi þrjú nöfn, þ.e. Einar Valur Bjarnason og er 27 ára.
Það er því frekar auðvelt að sjá hver ég er. Ég skrifa ættarnafnið á eftir föðurnafninu  því ég er fyrst og fremst sonur foreldra minna þó vissulega sé ég stoltur af ætterni mínu líka.

Joðið í byrjun nafnsins er vegna þess að ég hef notað sviðsnafnið Jimy í þónokkur ár, sökum þess að mér þykir ekkert sérlega skemmtilegt að vera kallaður Einal eins og austræn vinkona mín kallaði mig á viðkvæmri stundu og varð til þess að ég ákvað að nota Jimy í staðin fyrir þá sem eiga erfitt með að gera greinarmun á R-i og L-i.

Ég nota ekki önnur viðurnefni hér á moggablogginu, enda væri það þvílík langloka að það hálfa væru allt of margir stafir.

Sökum þess að ættarnafn mitt er komið úr móðurætt föðurafa míns má ég ekki, vegna fornlegra lagasetninga sem Þjóðskrá verður að fylgja, skrifa ættarnafn mitt aftast. Ef langafi minn í beinan karllegg hefði borið Maack nafnið en ekki 'bara' heitið 'Þorsteinn Pálsson' hefði ég rétt á því að skrifa nafnið á annan máta. Þarna er því MBL.is að taka þátt í miðaldaleik Þjóðskrár sem byggir á furðulegum feðraveldisforkvæðum og þeim skringilegu hugmyndum að fullorðið fólk megi ekki ákveða sjálft hvað það heitir eða hvernig það skrifar nafn sitt.

Nú veit ég ekki með ykkur lesendur góðir, en ég hygg að flestir sem komnir eru til vits og ára hafi þroska til þess að ákveða sjálfir hvernig þeir stafsetja nafn sitt.

Nú er ég ekki að tala um nafnleyndina hérna, enda finnst mér ekkert athugavert við það að fólk sem vill tjá sig hér, á vef hvar maður verður að innskrá sig með kennitölu, komi fram undir dulnefni, enda þótt að aðrir lesendur sjái ekki hver höfundur er vilji hann ekki koma fram undir nafni, getur ritstjórn mbl.is og blog.is séð auðveldlega hver ritar.

Það dylst engum hver ég er.

 

Fái ég ekki undanþágu frá þessari harðstjórnarlegu bjúrókrasíu sem hefur hlaupið í stjórnina hér er ég algjörlega hættur að rita hér á þennan vef. Það stangast á við siðferðiskennd mína að láta AÐRA segja mér hvað ég heiti. Ég veit fullvel hvað ég heiti. Þeir sem þekkja mig vita hver ég er og að ég rita hér undir fullu nafni, (þó ekki öllum viðurnefnum). Ég hef komið fram, leikið tónlist og eitthvað af leiklist undir þessu nafni. Ég er því EKKI að notadulnefni og frábið mér svona vinnubrögð, frekju og yfirgang að hálfu mbl.is

 

Verði þessu ekki hnekkt sjáið þið mig næst á orninn.org.

Einnig hvet ég alla sem vettlingi geta valdið að senda mér póst á [e-mail] vilji þeir frá greinar birtar. Ég áskil mér þann rétt að velja og hafna úr innsendu efni, enda er Örninn ekki bloggvefur heldur veftímarit.

 

Kv.

 

Jimy Einar Valur Bjarnason Maack.
(E.Þ.S. Loki, Kisi, Flaueliskötturinn, Einar Rauði og #2610815989 fyrir þá sem vilja frekar hafa okkur sem númeruð eintök af útskiptanlegum þegnum. Ég er ekki þegn, ég er borgari.)

Bíddu... hverju fjand...

...ans máli skiptir það þó JGS hafi verið þarna? Þetta var um 80 manna hópur sem þarna fór inn. JGS átti ENGAN þátt í því að þessi aðgerð var framkvæmd.

En jæja. Því fleiri því betra.

Það eru þó talsverð vonbrigði að Þóra skuli klippa fréttina þannig að JGS sé aðalmálið, því hann var það svo sannarlega ekki og mér þykir það frekar slöpp fréttamennska að falla fyrir því að einhverjir svona stjörnustælaglaumgosar komi og athyglin sé öll á því að hann sé á staðnum.

Þetta er ein af ástæðum þess að við berum svo mörg grímur. Athyglin á að vera á mótmælunum, ekki á einstaka aðilum sem mæta á þau.

 

JGS, ég bið þig næst að koma með klút eins og við hin... (hehehe það er þá líklegt )

 

 

Jón Gerald mótmælir í Landsbanka

Fííííínnt...

Og gott og blessað.

 

Skilið okkur nú aftur jólunum og...

 

 

 

...bíddu aðeins...

 

 

...þessi frétt er rugl...

 

 

...því...

 

 

SÚSSI VAR ALDREI TIL!

„Jesús fæddist 17. júní“

Megi margir Þrándar vera í götu okkar til glötunnar; ESB.

Ég veit ekki hvað er að þeim einstaklingum sem hafa þetta lítinn skilning á því yfirvaldi sem ESB er; skref í átt að einni alheimsríkisstjórn.

 

Merkilegt að EBE og fleiri sósíaldemókratar beri þennan heitasta draum Hitlers sér í brjósti. Ég veit að það er rökvilla að koma með 'reducto ad Hitlerum' yfirlýsingar, en sameinuð Evrópa var jú draumur hans, sem og Sesars, Karlamagnúsar og annara hárra herra sem skeittu ekkert um almenning, frekar en bjúrókratarnir í Brussels.

 

Eiríkur, sé þér þetta annt um ESB, þá er þér fullkomlega frjálst að flytja þangað. 

Leifum Íslandi að vera sjálfstætt áfram.

Grýtt leið í ESB

Heyrðu góurinn...

...það er örugglega hlýrra í Helvíti en í Danmörku, þeir kunna sko að kynda þar, en ég held þú gleymir því sem Íslendingar hafa vitað í hundruðir ára, að Djöfulinn er Dani, svo það er örugglega fleskesteg, smörrebröd og öl á boðstólnum þannig að það er í fínasta lagi fyrir mér, enda þótt Djöfsi sé danskur þá er ég það pínu í aðra ættina líka og því kann ég ágætlega við húmor Dana, sbr þetta djók.

Hinsvegar væri mun verra að vera bara með aðgang í himnariki, en eins og allir vita er allt sem er skemmtilegt annaðhvort óhollt, syndsamlegt, fitandi eða danskt og því ekki von að slíkt sé að finna upp í kuldanum í háloftunum, þar sem ekkert er við að vera nema hörpuspil.

Nei takk.

 

Ég skal vera með danska Djöfsa að glamra blús á rafmagnsgítar og drekka öl og flesk þegar ég fer.

 

Þannig að ég þakka þér fyrir heimboðið.

 

Annars er alltaf spurning hvort að maður eigi að treysta á menn sem kalla tólin á sér Sörensen og fara fjálglega með ris á sínum Sörensen, svo fjálglega að það er meiraðsegja partur af nafninu.

Ég er viss um að enginn nennti að lesa þetta ef ég kallaði þetta blogg 'Einari rís Stiffy Wonder!*'.

 

 

 

 

*blindur, spilar á píanó og er eini parturinn af mér sem fílar synthapopp...

 

 

Frekja og hroki aðgangsorð íslenska helvítisins

Við sigruðum þessa orrustu, báðum megin.

Ég er ekki maður ofbeldis, þó ég óttist það ekki og muni aldrei leyfa mér að kúga sjálfan mig með heigulshætti. Í dag sigraði Ísland litla orrustu, mótmælendum er ekki í nöp við lögregluna þó vissulega séu sterkar skoðanir hjá stórum hluta þeirra sem þarna voru að það sé mjög dapurt hvernig lögreglan sjálf hefur látið kúga sig til þess að vera varðhundar myrkrahöfðingjans á Arnarhóli og þeirrar spillingar sem hann stendur fyrir.

Í dag sönnuðu lögreglumenn sig fyrir mér, þeir vilja ekki heldur bardaga við bræður sína og systur en við sem berum skiltin, meira að segja við sem hyljum andlit okkar með svörtum grímum viljum ekki ofbeldi - við viljum það síst af öllum, enda er ofbeldi augljóst form kúgunar sem svarta blokkin stendur ávalt á móti. Við megum ekki láta þau öfl sem að baki þessu fjármálaástandi standa sundra þjóðinni í stríðandi fylkingar. Sturlungaöld hin síðari má ekki verða, skálmöld þar sem friðelskandi fólk gengur vopnað til þess að verja sig, en því miður eru góðar líkur á að í það stefni ef við leyfum IMF að draga okkur í svaðið.

 Til hamingju Ísland með 90 ára fullveldisafmæli, í dag sönnuðum við að við getum stýrt okkur sjálf og verið fullvalda.

Til hamingju mótmælendur, til hamingju með góða sjálfsstjórn og það að láta ekki ofbeldi hræða ykkur.

Og síðast en ekki síst, til hamingju lögreglumenn og konur sem þarna stóðu og þakka ykkur fyrir.

 

(The Road to hell, pt.I & II, e. Chris Rea)

 

 

With a face that I knew like my own
reflected in my window.
Well
she walked up to my quarterlight and she bent down real slow

A fearful pressure paralysed me in my shadows.

She said: Son
what are you doing here?
My fear for you has turned me in my grave.
I said: Mama
I come to the valley of the rich
myself to sell.
She said: Son
this is the road to hell.

On your journey 'cross the wilderness from the desert to the well
You have strayed upon the motorway to hell.

We'll
I'm standing by a river but the water doesn't flow

It boils with every poison you can think of.
Then I'm underneath the streetlights
but the light of joy I know
Scared beyond belief way down in the shadows.

And the perverted fear of violence chokes a smile on every face

And common sense is ringing out the bells.
This ain't no technological breakdown
oh no

this is the road to hell.

And all the roads jam up with credit
and there's nothing you can do

It's all just bits of paper flying away from you.
Look out world
take a good look what comes down here

You must learn these lesson fast and learn it well.
This ain't no upwardly mobile freeway

Oh no
this is the road
this is the road
this is the road to hell

Réðust inn í Seðlabankann